Durante a súa traxectoria profesional participou na elaboración de dicionarios de léxico común, de linguaxe administrativa e de nomes de persoa. Publicou artigos científicos de lexicografía, onomástica, edición de textos e gramática histórica, en diversas revistas científicas e en actas de congresos internacionais, así como traducións literarias, entre as que destaca a de Frankenstein, de Mary Shelley. Ademais, organizou o XX Congreso Internacional de Ciencias Onomásticas (Santiago, 1999) e editou textos como o Teatro de Máscaras de Ramón Otero Pedrayo (1989) e o medieval Libro de Notas de Álvaro Pérez, notario da terra de Rianxo e Postmarcos (1457), polo que recibiu o premio Luis Peña Novo en 1999. Foi membro fundador da Asociación de Traductores Galegos (Vigo), da Asociación Galega de Onomástica e participou noutras sociedades científicas como a Associação Portuguesa de Lingüística (Universidade de Lisboa) e o Internacional Council of Onomastic Sciences – Leuven (Bélxica).
