As cartas forais dadas por reis e señores non só deron pulo ao poboamento ou a dinamización de núcleos rurais e urbanos. Tamén enmarcaron as relacións da veciñanza e as súas institucións co poder establecido, o funcionamento das entidades locais, o exercicio da xustiza ou a actividade económica.

Son pequenos códigos legais de ámbito restrinxido referentes a 30 localidades galegas que se datan entre os séculos XII ao XIV, aínda que chegaron a nós en formas ben diversas (orixinais, copias). O profesor Faustino Martínez agrupa  neste traballo estes códigos galegos para un máis doado uso; a recompilación permite asimesmo un percorrido panorámico que, ao engadirse o estudo introdutorio de perfil histórico xurídico, acheganos por vez primeira unha visión de conxunto sobre estes códigos.

Materiais complementarios

• Martínez Martínez, Faustino. Introdución á «Antología de textos forales del Antiguo Reino de Galicia (Siglos XII-XIV)», Cuadernos de Historia del Derecho, nº. 10 (2003).
• Martínez Martínez, Faustino. «El Derecho de la ciudad de Lugo en la alta edad media», Boletín do Museo Provincial de Lugo, 9 (1999-2000), pp. 187-218.
• Solano Fernández-Sordo, Álvaro, «Historia urbana en la Galicia medieval. Balance y perspectivas», Cuadernos de Estudios Gallegos, nº 123, LVII (2010), pp. 55-90.
• Edición do foro do burgo de Castrocaldelas, o máis antigo documento en galego.