CONSELLO DA CULTURA GALEGA
GALLAECIAE MONUMENTA HISTORICA
foro
O bispo Pedro afóralle a Pedro Galván, arcediago de Limia, un casal en Santa María de Sobrado, para poñer viña en tres anos, por terza, dereituras acostumadas, servizo e loitosa.
ACOu, Bispo, 45
(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 535-537, doc. 684)
In dei nomine amen. Noverint universi presentem paginam inspecturi quod nos Petrus episcopus auriensis damus ad forum vobis domino Petro Galvan archidiacono de Limia in ecclesia auriense unum casale hereditatis quod habemus in parrochia Sancte Marie de Superato, ad montes et ad fontes cum ingressibus et regressibus et cum omnibus iuribus, directuris et pertinenciis suis. Quod casale fuit Sancie de Costa, videlicet casale inferius. Damus inquam vobis ad forum ipsum casale hoc modo ut vos et omnis successores vestri habeatis illud ex nunc iure hereditario in perpetuum possidendum, et excolatis et paretis illud bene ita quod non defficiat per culturam, et plantetis de vinea hinc ad proximos tres annos, quantam hereditatem ipsius casalis apta fuerit ad plantandum, et detis nobis et omnibus successoribus nostris episcopis auriensibus per maiordomum nostrum, singulis annis terciam partem panis et vini que deus in ipso casali dederit, panem vero in area et vinum in lagari, tam de hereditate culta ipsius casalis quam de alia quam de ipso casali excolueritis, et per omnibus aliis detis nobis directuras consuetas, et faciatis servicium episcopo auriensi quando fuerit in Superato. Et post obitum vestrum successores vestri solvant episcopo auriensi forum predictum, et solvant episcopo auriensi pro luctuosa decem solidos bone monete, vel melius mobile quod in ipso casali inventum fuerit. Et post obitum vestrum casale predictum non dividatur nisi in duas personas vocis vestre, et ita successive perpetuo observetur. Et si vos vel successores vestri vendere aut obligare volueritis casale predictum, prius vendatis illud vel obligetis episcopo auriensi pro iusto precio quem alii. Qui si ipsum casale emere aut obligatum recipere noluerit, tunc vendatis vel obligetis illud capitulo vel alicui de capitulo, et si capitulum vel aliquis de capitulo ipsum casale emere aut obligatum recipere noluerit, tunc vendatis vel obligetis illud non militi, non religiose, nec generose persone, non burgensi, non civi, non non moratori auriensi, nec de alio loco forario, nec maiordomo alicuius potentis viri, sed tali persone que moretur in cauto nostro de Superato et que teneatur episcopo auriensi ad omnia ad que vos ex ista pactione tenemini. Tenemini etiam vos et omnis successores vestri esse fideles vassalli episcopi auriensis, ita quod nunquam contra ipsum invocetis dominium nec deffensionem alicuius super predicto casali, preter dominium episcopi auriensis. Et si inter vos et episcopum auriensem super predicto casali questio orta fuerit, eligantur ex neccessitate de beneplacito partium duo vel tres de capitulo quorum compositione vel iuditio omni appellatione postposita ipsa questio terminetur. Item volumus quod si episcopus auriensis petitum fecerit in villis aut in vassallis suis, quod contribuatis cum eis in ipso petito pro rata que vos ex dicto casali continget. Et si contingerit successores vestros ob collectam monete regis raciociniis vel maleficiis obligari, predictum casale remaneat liberum episcopo auriensi sicut modo esti. Preterea non liceat vobis vel successoribus vestris dictum casale vel anniversarium super eo alicui loco religioso legato, nisi episcopo auriensi si illud legare volueritis. Et si per impotenciam aut negligenciam cultura dicti casalis omissa fuerit, vel ea que supradicta sunt non fuerint observata, ipso facto vos et successores vestri cadatis omni iure quod in dicto casali habetis, et licitum sit episcopo auriensi casale predictum prout illud invenerit, auctoritate propria recipere et habere. Facta carta Aurie, xiiº kalendas marcii, era mª cccª xxxiiª regnante in Legione et Castella rege domino Sancio, maiorino maiore in Gallecia per domino rege domino Pelagio Gomecii. Presentibus testibus Petro Roderici, magistro Johane canonicis, Johane Geraldi porcionario, Paulo Viviani dupplario, Johane de Piñol et Gunsalvo Iohanis clericis chori.
Et me Gomecio Iohanis domini Petri episcopi auriensis et civitatis eiusdem publico notario qui interffui et in mei presencia scribi feri signumque meum apposui in testimonium premissorum.
(signum)