CONSELLO DA CULTURA GALEGA
GALLAECIAE MONUMENTA HISTORICA
foro
Afonso Domínguez, dito Cudeiro, por si e en nome dos seus irmáns e por outros alumpnis de Xoán Pérez de San Xes, afóralles a perpetuidade a Pedro Afonso de Melias e á súa muller, María Pérez, unha herdade nese lugar por 35 soldos e dous capóns.
ACOu, Clérigos do Coro, 120
(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 509-510, doc. 666)
Notum sit omnibus per hoc scriptum perpetuo valiturum quod ego Alfonsus Domenici dictus Codeyro pro me et pro fratribus meis absentibus videlicet pro magistro Petro decano auriense et Johane Codeyro et Maria Alfonsi de Quinteela et pro aliis alumpnis Johanis Petri de Sancto Genesio, afforo vobis Petro Alfonsi de Melees et uxori vestre Marie Petri absenti et omni voci vestre imperpetuum illam hereditatem quam nos habemus in filigresia Sancte Marie de Melees de Acquilari, ad montem et ad fontem cum omnibus iuribus et pertinenciis suis ubicumque fuerint, videlicet quantum tenet Johanes Stephani de nobis extracta inde hereditate quam tenet Garsias Gomecii et extracta inde illa quam iam tenemus arrendatam et venditam. Afforo vobis eam tali pacto quod colatis et paretis illam bene et detis nobis pro ea xxxv solidos monete alfonsine alborum iiº denarios pro solido vel ad extimationem eorum in die Sancti Martini et duos capones de renda annuatim, et vos et omnis vox vestra habeatis illam iure hereditario imperpetuum, et si eam volueritis vendere seu obligare ante nobis hoc faciatis quam alteri pro iusto precio et si nos illam noluerimus emere vel obligatam recipere tunc vendatis vel obligetis \eam/ tali persone que sit similis vobis et unde nos pussumus habere direturam nostram in pace sicut de vobis, et concedo me deffendere vos cum ea ad directum per me et per omnia bona mea tam habita quam habenda, et debeo ducere ad concessionem istius carte vobis alumpnos Johanis Petri cum fuerint de etate, qui si noluerint hoc forum concedere vobis ipsi recipiant partem suam istius hereditatis et vos solvatis nobis partem vestram dicte rende secundum illud quod nos contigerit per bona vestra, et ego Petrus Afonsi ad complendum sic eadem predicta obligo me et omnia bona mea tam habita quam habenda. Siquis partium contra hoc pactum venerit iram dei omnipotentis incurrat et alteri parti lª morabitinos in penam persolvat, carta nichilominus in suo robore permanente. Facta carta Aurie xº kalendas deçembris, in era mª cccª xxª viiiª, regnante donno Sancio, episcopo in Auria donno Petro Iohanis.
Qui presentes fuerunt Johanes Pelagii dictus da Vaya, Laurencius Petri mercatores, Garsia Martini pelliparius, Petrus Martini dictus Fillo, Fernandus Iohanis de Villa Mourel.
Et ego Johanes Martini publicus notarius auriensis qui interfui et scripsi et signum meum apposui in testimonium premissorum.
(signum)
[reverso] Carta de Afonso Domingues de Codeyro dos bees de Melees.