CONSELLO DA CULTURA GALEGA
GALLAECIAE MONUMENTA HISTORICA
Ed. por SAEZ SANCHEZ, E., Ribeira, op. cit., doc. 3,
In nomine Domini Patris et salvatoris Filio eius verum etiam Spiritui Sancto ineffabiliter ex ambobus procedens qui trinum possides nomen in divinitate unita, et unus crederis in maiestate excelsa iudicaturus orbem sanguine tuo redemptum. Ego Aloitus abba una cum fratribus et sororibus meis Pelagius, Munnus, Guttina et Adosinda, homnium servorum Dei servus. Etenim Domine tu es iustus iudex et robore fortis, cuius nomem magnum est in Israel et cuius locus pacifice firmatus est in Sion, cuius anni et tempora non deficient, qui permanes in eternum, cui pacis et potestatis ullomodo erit finis, qui est pius misericors amans bonum, qui non deseris sperantes in te, qui corroboras famulos et destruis inimicos, qui etiam vespernis sacrificium spiritu contribulato quod tibi offerit pusillitas humana, in ablendis peccaminum nescibus postremo tu idem est Domine, que a peccatoris te exorari mandasti secundum iugem pietatem tuam, ad te nunc cum puris mentibus precibus nutto ut digneris de sede maiestatis tue aurem pietatis tue adcommodare et placidum vultum votum nostrum aspicere. Oramus Domine, oramus et indesinenter te postulamus ut non despicias / exiguo munus, quod tibi exincera voluntate offrit vilitas fragilitatis mee, sed accipe secundum misericordiam tuam de quo tu nobis largire dignatus es, nos enim Domine opus sumus manuum tuarum et omnia tua sunt, et quod de manu tua accepimus ovans tibi offerre cupimus secundum prophetam auctoritas nos admonet et psalmista, Vovete et reddite Domine et cetera. Queso Domine ut aperiantur porte tue iugiter et detur locus orationi nostre in celo, ut dirigatur votum meum in conspectu tuo sicut sacrificium mundum et immaculatum. Scio utique Deus quia tu nichil indiges, cui cuncta serviunt celestia et famulantur terrena, cuius nutu gubernantur, disponiuntur reguntraque omnia. Sed excogitavimus ex rebus nobis creditis offerre in honore tuo qui sit in subsidium peregrinorum pauperumque tuorum qui creduntur esse sequaces evangelii tui qui in vox tua loquitur dicens, Si quis vult post me venire aneget semetipsum et sequatur me, et qui non proposuerunt amori tuo patrem aut matrem aut cetera transitoria. Et his monitis impleverunt ipsos tu predixisti tuos esse discipulos. Ipsis ergo adherere mihi bonum est, et ipsis mihi servire iocundius est, ut et futuro eorum merear glomerari catalago, ud dum in examinis diem apparueris magnus et manifestus, et in sublimi gloria excelsus reddere iustis premia et malis quo merentur mala, tum nos ab ipsis proculsum et merear admisceri mundis omnibus quibus ab inicio a patre tuo complacuit dare regnum. His Domine excogitans servus tuus tantis et tam magnis misteriis adsconditis quod preparasti sperantibus et diligentibus te ut inter eis sim in perpetua luce, qua dignatus est dare electis tuis, id est offerimus glorie et honore nominis tuis pro remedio animarum nostrarum villas in terminos Gallecie, territorio Limie. Concedimus Deo et sancte Marie semper virginis et monasterio quam ab antiquis hominibus est nominatum Raparia qui est subtus castro et ecclesie ibi vocabulo sancto Georgio, concedimus ibidem villas quas abuimus de avorum et parentorum nostrorum, etiam et quantascumque ganavimus et comparavimus, fundavimus et iuri nostro plegavimus de eredibus pro iusto et legitimo precio quod de nos acceperunt secundum in alias kartas et firmitates priores resonat. Id sunt, in ipso territorio Limie sancto Mamete ab integro quos fuit de Amico Adaulfiz quod nobis pariavit pro nostro ganato, unde fuit fideiussore et pro placitos exessos. Item ibi in Riparia prope ipso monasterio alia villa quos comparavimus de soror Virginia et de suos filios ab integro, pro quo accepit de nos in precio placabile modios C. Alia villa in Varcenes quod nobis evenit in porcione inter nostros germanos quos fuit de parentum nostrorum. Item ibi in Varceneses duas pausatellas qui fuerunt de tio nostro Nausti Viliaferedi, una in Tavolatella et illa alia in Varzeneses, et ipse tio nostro concessit ei pro remedio anime sue ad monasterio Cellenove ubi corpus eius requiescit, state omnia post parte iam dicti monasterii Cellenove confabulavimus cum domni Manilani abbati et Cresconius conversus qui tunc et prepositus qui capud vicem tenens huius monasterii Cellenove, et dedimus pro ipsas pausatellas medietate de Valongo, et illa alia medietate dedimus ibi ad ipso iam prefato monasterio Cellenove pro remedio anime nostre. In Parata et in Palatiolo alias pausatas quantas ibi abuimus et ganavimus et iuri nostro plegavimus, in has manus duas pausatellas quos ibi ganavimus in valle de Cellanova. In villa de Mandrianes villa quos fuit de Stefano ab integro, in Vibario villa nimis bona, et in Rekeso alia villa prope ista desursum, in ripa Minei in villa Parata pausata quos fuit de Toderedo et de suo germano Onorigo. Et ego Pelagius diaconus prolis Odini et germana mea soror Adosinda, una voluntate et mente devota concedimus ad ipsum iamdictum monasterii Riparia villa vocitata Silva Scura, quos fuit de nostro patre quod nobis evenit in porcione inter nostros germanos, damus ibi eam pro remedio anime nostre. Et ego Munnius frater ipsius supradictis concedo ad ipsum iam prefatum // monasterium villa de sancto Mamete que sic mihi evenit in porcione inter meos germanos, omnes has villas et hereditas suprataxatas testamus eas per suos in giro terminos ab eam quo positus, cum domos, apotecis et torcularibus et eorum intrinsecis, vineis et pomiferis, terras cultas et incultas, exitus, regressosque, aquis aquarum cum eductibus suis, pratis et paludibus in muris clausuris propriis. Adicimus ibidem ministeria ecclesie, cruce et capsa et calice argenteos, libros eclesiasticos: Antifonario de toto anni circulo, Ordino monastico nimis bono, Manualio, Psalterios duos. Stremina lectorum, lana vel serica, venapes palleas, laneas, plumazos, palleos, laneos, tapetas, colcetras, serbicio de mensa argenteo, scalas argenteas, conco et aquamanile. Res ibidem permista, boves, vaccas, oves, porcos, mulas, cavallos, equas vel quantum ganare vel profiligare potuerimus usque ad obitum nostrum omnia ab integro donamus Domino Salvatorisque omnium et sancte Marie semper virginis, pro remedio animarum nostrarum qualiter nobis magna accurat mercis in eterno iudicio. Dum unicuique redditum fuerit secundum propria opera subta videlicet ratione servata ut sub regimine ac tuicione patris et abbati Aloiti constructum est templum in nomine Domini et sancte Marie semper virginis, in cuius nomine votum istum dedicavimus, ut sub imperio eiusdem abbatis almi edificatum est ibi monasterium et congregatur ibi fratrum congregatio Deo militantium sub regulari tramite gradientium, et sic Domine ipse sciterio divinis edoceatur docuis, ut pax ibi redundet in fratrum corda, ut effici mereantur vasa mundissima in quibus tu abitare delectes et in abitando sacrifices; sit Domineibi domum Dei et porta celi ut qua ora tibi peccator ad te ex toto corde converterit, iubeas eius delere peccaminum nodos. Ita abeant omnia ista suprataxata servi Dei qui mundo relinquerint et pompis eius solum sectantes te Dominum largitorem et celatorem omnium bonorum. Unde quod iustum et rectum vidimus et animus noster decermini consilio advenit, elegimus coram omni concilio ut tamdiu steterit ipso dicto monasterio Riparia in veritate, in confessione, in suo capo, stent istas supradictas villas et ereditas post sua parte, ut abeant inde fratribus et anciliis Dei Dominus ibi militantibus temporale subsidium et nos iamdicti ante Deum premium inconvulsum et regnum eternum. Et quod absit, in quacumque tempore aliquis homo evenerit qui ipso monasterio ad alia parte aut ad alia sede testare voluerit aut aliqua contemtione super eum miserint, licitum habeant aliquis homo de nostra progenie qui inde bonum iurum sanctum fuerit, et in confessione et sanctitate perduraverit, ut tamdiu vita vixerit obtineat omnia iuri suo et post obitum vero suum tornetur ipsa hereditas ubi ille viderit et ubi confessionem bonam fuerit pro remedio anime nostre. Quo et adiurationem confirmamus per ipsum cuius \nos\ merita semper custodivit, et ab omnibus malis erudium quia numquam contra hunc factum nostrum venturi erimus ad irrumpendum. Si quis tamen quod fieri minime credo, ut aliquis homo tam regia potestas quam aut qualibet generis humano, superior vel inferior, propinquis nos vel consanguineis seu de potestati nostre vel etiam extraneis ut hoc votum nostrum inmodice infringere presumpserit, inprimis segregatus a catholice fidei et ad corpus et sanguinem Domini nostri Ihesu Christi segregatur a sanctis , puniatur cum impiis in sorte mortis eterne, multiplicetur pena eterni in vertice eius et percuciatur a Domino plaga crudeli, et insuper cum Iuda Domini proditore uno contubernietur in loco pari pena damnandus et conditoris multatus ira, et altissimi feritus sententia lugeat quod male gessit, impie operabit, et insuper temporali1 districtus discrimina pariat auri talentum, et insuper / duplet quantum de hoc auferre temtaverit. Istam vero scripturam in perpetuum obtineat firmitatem.
Facta series testamenti die videlicet IIIIº nonnas Decembris. Era XL et VIIII post Milesima.
Aloytus abba in hanc scripturam a me factam quam fieri elegi, et relendo cumcognovi, manu propria roborem inieci et nusquam invellere promitto (signum). Pelagius diaconus in hanc scripturam manu mea roborem indidi (signum). Munnius presbiter prolis Odini manu mea (signum). Gutina confessa et fidelis Christi ancilla manu mea (signum). Adosinda confessa manu mea (signum). Nunnus nutu Dei comes qui capud vicem tenens huius monasterii Cellenove cfr (signum).
(1ª columna:) Erus confesus qui tunc et prepositus cfr.- Munnius confesus cfr.- Vimaranem confesus cfr.- Fagildus confesus cfr.- Sisnandus confesus cfr.- Leovericus confesus cfr.- Martinus confesus cfr.- Ermiarius confesus cfr.
(2ª columna:) Nausti Afonsiz cfr.- Menindo Alvariz cfr.- Godesteo Alvariz cfr.- Alvaro Menindiz cfr.- Froila Munniz cfr.- Teron Froilaz cfr.- Pelagio Pelagiz cfr.
(3ª columna:) Menindo Pelaici cfr.- Adaulfo Furtuniz cfr.- Vimara Nausti cfr.- Donon confesus cfr.- Teodemirus confesus cfr.- Andreas confesus cfr.- Arias confesus cfr.- Riquilanem confesus cfr.- Item Ermiarius confesus cfr.- Item Vimarem confesus cfr.- Vegila Rudesindiz cfr.- Vegila Didaz cfr.- Vimara Kagitiz cfr.- Guntinus presbiter cfr.
(4ª columna:) Item alius Guntinus presbiter cfr.- Baltarius presbiter cfr.- Savaricus presbiter cfr.- Martinus presbiter cfr.- Salvatus presbiter cfr.- Sesmirus presbiter cfr.- Oduarius presbiter cfr.- Manilanem presbiter cfr.- Veremudus diaconus cfr.- Aloitus diaconus cfr.- Gemondus diaconus cfr.- Seniorgus diaconus cfr.- Sisnandus diaconus cfr.- Eirico diaconus cfr.- Miliatus clericus cfr.
(5ª columna:) Nepoi ts.- Gundulfo ts.- Moviga ts.- Alio Gundulfo ts.- Teodila ts.- Martino ts.- Sando ts.- Danilla ts.- Guisendo ts.- Mundino ts.- Vimara ts.- Daniel ts.- Citi ts.- Alio Vimara ts.- Nepociano ts.
Egilanem sacerdos quam vidi per me scripsi et manu mea propria coram omni populo cfr (signum).
—
1 Inicialmente escrito temporalo.