CONSELLO DA CULTURA GALEGA
GALLAECIAE MONUMENTA HISTORICA
Xoán Eáns de Rex, crego do coro de Santiago de Compostela, por el e polo seu irmán Martiño Eáns de Rex, véndelle ó mosteiro de Toxos Outos as súas herdades en varias vilas da freguesía de Sta. María de Roo por trescentos oitenta e catro soldos leoneses.
B.- Tombo, f. 150rv.
Carta de Joham de Rex de hereditate de Villa Uerde et de Moyno et de casal de Baamunde et de Agrello.
In nomine Domini, amen. Notum sit omnibus quod ego Johannes Iohannis dictus de Rex, clericus cori Beati Jacobi, pro me et pro fratre meo Martino Iohannis dicto de Rex, absente, et pro omni uoce mea et sua grato animo et spontanea uoluntate vendo et firmiter concedo vobis domno Petro Martini, abbati monasterii Sancti Justi de Togis Altis, comparanti nomine uestro et ipsius monasterii quantam hereditatem ego et dictus frater meus habemus et habere debemus in Villa Uiride et in casali de Baamundi et in Agrelo et in Moyno et in Roo et in Pastoriza et in rio de Tamar et in tota filigresia Sancte Marie de Roo. Item vendo uobis quantam hereditatem comparaui in predictis locis et dicta filigresia de Fernando Petri dicto Mouro et de uxore sua Vrraca Petri. Vendo inquam pro solidis trescentis optuaginta IIIIor legionensis de quibus confiteor, et cetera; renuncians, et cetera; et debeo amparare uos cum predictis hereditatibus, et cetera. Et decetero faciatis de eis totam uestram uoluntatem, et cetera.
Siquis igitur contra hanc uendicionem meam ad irrumpendum uenerit pectet uobis solidos D CC et // LXVIII fortis monete; carta et uendicione, et cetera.
Facta carta IIIs kalendas maii sub era Ma CCa LXLa.
Ego jamdictus in hac carta manus meas.
Q. p. f.: Johannes Laurencii, campsor. Fernandus Petri dictus Maurus.
Johannes de Caleyro. Et alii.
Ego Petrus Didaci, notarius compostellanus juratus, interfui et conf.; et demandato meo Fernandus Iohannis scripsit. (Monogramma: PETRVS).
Ego Fernandus Iohannis, clericus, de mandato Petri Didaci, notarius concilii compostellani jurati, scripsi et interfui.