CONSELLO DA CULTURA GALEGA
GALLAECIAE MONUMENTA HISTORICA
Xoán Páez, fillo do cóengo de León Paio Páez e servente do cóengo compostelán Miguel Sánchez, véndelle ó mosteiro de Toxos Outos a herdade que o seu pai tiña na vila de Vilaverde e en toda a freguesía de Sta. María de Roo por oitenta soldos leoneses e renuncia á súa posesión e a toda acción en contra do cenobio.
B.- Tombo, f. 154r.
Carta et anuncione Johannis Pelagii, filii Pelagii Pelaiz, canonici Legionis, de hereditate de Villa Verde.
Era Ma CCa LXXXa VIIIIa et quotum nonas nouenbris. Ego Johannes Pelagii, filius quondam Pelagii Pelagii, canonici legionensis, seruiens Michaelis Sancii, canonici compostellani, pro me et pro omni uoce mea et predicti Pelagii Pelagii vendo, quito et abnucio vobis domno Petro Martini, abbati monasterii Sancti Justi de Togis Altis, nomine ipsius monasterii quantam hereditatem predictus Pelagius Pelagii habebat et habere debebat in Villa Uerde, que est in filigresia Sancte Marie de Roo, et in tota ipsa filigresia cum totis suis pertinenciis et directuris ubicumque fuerint tam in rio quam in sicco et etiam totam uocem, buscam, impeticionem, questionem et accionem et demandam siqua contra uos uel contra predictum monasterium habebam uel me habere credebam seu habere poteram racione predicte hereditatis uel fructibus inde preceptis. Quito inquam vendo et abnucio pro solidis LXXXa legionensis, de quibus confiteor et recognosco me esse bene paccatum, et renuncio omni excepcioni non numerate et non tradite mihi peccunie supradicte. Et siquis pro uoce dicti Pelagii Pelagii prefatum monasterium Sancti Justi super nominata hereditate inpecierit teneor me monasterium ipsum defendere et amparare ab omni calumpnia per me et per omnia bona mea. Siquis contra hoc uenerit pectet predicto monasterio solidos D fortis monete; scriptura ista nichilominus in suo robore duratura.
Q. p. f.: Petrus Petri dictus Gatinus et Johannes Nuniz de Besezo, milites. Johannes Petri Baçareno et Martinus Froyle, pelliparii. Petrus Didaci dictus Alferez, tabernarius. Johannes Petri, clericus Martini Uiuiani, presbiteri.
Ego Petrus Didaci, notarius concilii compostellani juratus, interfuy, scripsi et conf. (Monogramma: PETRVS).