Quoniam ea que a regibus donantur siue conceduntur oportet ut litterarum testimonio confirmetur, qua propter ego Adefonsus, Dei gratia Hyspaniarum imperator, una cum coniuge mea imperatrice domina Berengaria, ob remedium anime mee et parentum meorum Deo omnipotenti et sancte Marie semper virgini et Sancto Christoforo de Derzone et priori eiusdem monasterii Pelagio Petriz et monachis ibidem sub regula sancti Benedicti et Deo seruientibus tam presentibus quam etiam perpetuo succedentibus, facio cartam et scripturam donationis videlicet per terminos de riuulo Tamaris et inde in circuitum de Carualida et lacum eiusdem Tamaris, et inde ad foueam Serpentis, et inde in directum per sumitatem montis usque super Jalles, et inde ad branias de riuulo Eze, et inde ab ipso riuulo Eze usque quo cadit in Tamare. Sic dono atque concedo istum cautum huic monasterio et sancte congregationi eiusdem ut nullus sayo uel uicarius regis seu alicuius potestatis non sit aussus ab hodierno die in antea intrare infra hos terminos pro aliqua calumpnia // seu fazendaria uel fossadaria aut pro pignore nisi per manum prioris seu abbatis eiusdem monasterii. Quod si aliquis homo potens uel inpotens de genere meo uel de extraneo contra hunc auctum irrumpendum uel inuadendum seu inde temerario ausu aliquid aufferendum uel pignorandum uenerit uel uenero quisquis fuerit, sit maledictus et excomunicatus et cum Datan et Abiron quos terra obsorbuit in inferno dampnatus et insuper pariat ad partem eiusdem monasterii uel eiusdem uoci pulsantis Cm libras auri purissimi, et quod inuaserit uel aufferre temptauerit seu pignorauerit in duplo conponat, et hec series testamenti semper firma et inconcussa stabili firmitate permaneat.

Facta scriptura kautationis et donat<i>onis seu confirmationis in Karrione post acceptam meam coronam, era Mª Cª LXXª VIª, et cotum VIº idus maii.

Ego Adefonsus, Dei gratia Hyspaniarum imperator, quod fieri iussi spontanea uoluntate confirmo (Signum). Berengaria, Hyspanie imperatrix, confirmo.  Infanta domna Sancia, confirma.

Comes Adefonsus Iordan, conf. Comes Federnandus, conf. Veremudus Petriz, conf. Comes Rodericus Uelat, conf. Comes Rodericus Martiniz, conf. Comes Rodericus Gomez, conf. Comes Monio Pelaiz, conf. Comes Lop Diaz, conf.

Didacus, Dei gratia compostellane sedis archiepiscopus, hoc scriptum robore suo conf., anno sui pontificatus XXXº VIº.

Petrus, Legionis episcopus, conf. Adefonsus, episcopus ouetensis, conf.

Pelagius, mindoniensis, conf.

Abbas Rodericus Antealtaris, conf. Abbas Petrus Sancti Justi, conf. Florentius,  abbas Sancte Marine, conf.
Goter Fernandez, maiordomus curie, conf. Didacus Froylaz, signifer imperatoris,  conf. Gonsaluo Fernandiz, conf. Petrus Helie, decanus Sancti Jacobi, conf.  Martinus, cantor eiusdem ecclesie, conf. Arias Monionz, archidiaconus, conf.

Cidi, ts. Belid, ts. Anaia, ts.

Martinus, regis clericus et ecclesie Beati Jacobi canonicus, conf.

Ciprianus scripsit iussu magistri Hugonis, cancellarii imperatoris, conf.