Qvoniam cera res est tam fragilis quam putribilis, iccirco ego Adefonsus, Dei gratia rex Legionis et Gallecie, instrumentum concessionis et confirmationis omnium que data fuerunt tuitionis eciam et deffensionis nec non donationis uotum siue calumpniarum et aliarum directurarum que ad regiam uocem pertinebant de hominibus in hereditatibus monasterii Sancti Justi conmorantibus libertatis etiam siue excusationis portatici per totum regnum nec non libertatis ab imperatore date instrumentibus inquam olim Deo et monasterio predicto a bone memorie rege domno Fernando sub sigillo cereo concessum innouans et confirmans ad perpetuam rei memoriam et ut concessio ipsa et confirmatio robur obtineat perpetue firmitatis sub bulla plumbea de uerbo ad uerbum iussi presentibus annotari tenor autem instrumenti est iste:

In nomine sancte et indiuidue Trinitatis, Patris et Filii et Spiritus Sancti, amen. Ea que intentio nostra diuina cum presentia curie statuit et statuta confirmauit ne in posterum obliuioni tradantur scripto mandari decreuimus. Catholicorum regum est sanct loca personasque religiosas largis ampliare beneficiis et pro earum meritis amplius datare muneribus; qua propter ego rex domnus Fernandus una cum filio meo rege domno Adefonso patris mei Adefonsi bone memorie imperatoris sequens uestigia monasterium Sancti Justi de Togis Altis in heremo Dei amore tam donis quam dignitatibus exaltare studuit omnia quecumque alii uel ipse dederunt concedendo laudo et confirmo per quem sancte Marie uirginis et sanctorum Iusti et Pastoris et aliorum omnium gratiam recognoscam in terris qua meritum donationis promereri deside- // -ro in celis, recipimus igitur totum ipsum monasterium nec non et res uniuersas quibus continetur abbatem Petrum scilicet et monachos tam presentes quam futuros sub regula sancti Benedicti in eo monasterio in tuitione et nostra deffensione recipimus omnes hereditates quas nunc possident et in futuro possidebunt et decetero nullus eas inquietet uel eis malum faciat; recipimus uniuersos homines suos qui in monasterii hereditatibus morantur seu moraturi sunt quod amplius non respondant alicui de furto, homicidio, de rauso, fazendaria aut fossadaria seu de aliqua calumpnia uel foro regio debito aut seruicio quo alii nobis homines tenentur respondere nisi tantum abbati suo uel priori uel illis qui res monasterii de illorum mandato tenuerint. Preterea facimus cartam donationis imperpetuo ualituram ipsi monasterio et abbati dilecto et uenerabili fideli nostro domno Petro et omnibus suis monachis tam presentibus quam succedentibus scilicet quod ab hac die non sit aliquis ausus in meo regno tam per mare quam per terras de suis rebus quascunque secum tulerint pedagium accipere sed res et omnes sui homines transeant securi et quieti quacumque parte mei regni ire et transire uoluerint. Has autem donationes facimus imperpetuum ob remedium animarum nostrarum et omnium parentum nostrorum quod deinceps non quis audeat neque ecclesiastica seu layca persona potens uel inpotens, sagio regis uel mairoinus qui hoc monasterium uelit molestare seu de suo aliquid accipere uel super illud aliquam potestatem demandare; sed monasterium abbas, fratres et omnes homines ipsius monasterii sint liberi ab omni inquietationi et quieti. Et illam eandem libertatem eis indulgemus quam patris nostri imperatoris munificencia in suo testamento contulit et collata confirmauit. Siquis autem tam de nostro quam de aliorum genere contra hoc nostrum factum spontaneum uenire presumpserit iram Dei omnipotentis et regiam indignationem incurrat et cum Iuda Domini traditore Datham et Habirom, quos terra uiuos obsorbuit, in inferno sit dampnatus et pro ausu temerario siquid inuaserit quadruplet et parti regi XXi libras auri purissimi in penam persoluat. Et ut hoc scriptum nulla occasione possit turbari sed semper maneat firmum et inconcussum, sigillum nostrum ponimus et nobiliorum nostrorum subscriptionibus confirmamus. Facta carta apud Xemam IIIIº nonas decenbris in reditu nostre expeditionis de Xares, sub era Mª CCª XVª. Regnante rege domno Fernando Legione, Gallecia, Asturiis et Extremadura. Ego Fernandus, Dei gratia Hispaniorum rex, una cum filio meo rege domno Adefonso hoc scriptum quod fieri iussi proprio robore, confirmo. Petrus, sancte compostellane ecclesie archiepiscopus, conf. Johannes, legionensis episcopus, conf. Johannes, lucensis episcopus, conf. Vitalis, salamantinus episcopus, conf. Rodericus, ouetensis episcopus, conf. Adefonsus, auriensis episcopus, conf. Beltrandus, tudensis episcopus, conf. Rabinadus, mindoniensis episcopus, conf. Fernandus, astoricensis episcopus, conf. Villielmus, zemorensis episcopus, conf. Petrus, ciuitatensis episcopus, conf. Velascus, comes in Limia, conf. Gomez, comes in Trastamar, conf. Alfonsus, comes in Ciuitate et Salamanca, conf. Gunsaluus, comes sine terra, conf. Gunsaluus Osorii, regis maiordomus, conf. Fernandus Guterrez, regis signifer, conf. Fernandus Poncii sine terra, conf. Fernandus Uele in Asturias, conf. Fernandus Roderici de Beneuento, conf. Johannes Arie in Castella, conf. Ego Bernardus, regis subnotarius, per manum Petri de Lauro, cancellarii, scripsi.

Nulli igitur omnio hominum liceat hanc mee innouationis et confirmationis cartam infringere uel ei ausu temerario contraire, quod qui presumpserit iram Dei omnipotentis et regiam indignationem incurrat et quantum // inuaserit in duplum componat et pro ausu temerario regie parti in penam XX libras auri purissimi in penam persoluat.

Facta carta apud populationem de Seregia, XXV die junii, era Mª CCª LXª VIª.

Bernaldo existente compostellano archiepiscopo. Johanne, ouetensis episcopo. Roderico, legionensis episcopo. Nunone, astoricensis episcopo. Laurentio, auriensis episcopo. Michaele, lucensis episcopo. Stephano, tudensis episcopo. Martino, mindoniensis episcopo. Martino IIº çamorensis episcopo. Pelagio, salamantino episcopo. Michaele, ciuitatensis episcopo. Petro, cauriensis episcopo. Infante domno Petro, existente maiordomo domini regis tenente Legionem, Taurum, Zamoram, Extrematuram, Transserram et Limiam. Domno Roderico Fernandi, signifero domini regis, tenente Ouetum, Astoricam, Maioricam et Beneuentum. Domno Roderico Gomez tenente Montem Rosum, Monte Nigrum et Trastamar. Domno Fernando Guterrez tenente perticariam Sancti Jacobi. Domno Aluaro Roderici tenente Infantaticum.

Domno Petro Petri, magistroscolarum auriensis, canonico compostellano, existente cancellario domini regis. Martinus Fernandi, domini regis scriptor, scripsit.