Placitum diuisionis inter heredes de Deeyra et monasterium Sancti Justi.

Era M^a CC^a LXXX^a VII^a et quotum idus aprilis. Nos Pelagius Didaci et Arias Martini et Arias Petri, milites, et Petrus Gascus et Dominicus Iohannis et Alfonsus Martini, monachi, iurati super sacro sancta Dei euangelia super pactum quod habebat abbas Sancti Justi et heredes de Deeyra super sua hereditatura posuerunt inter se isti VI^ex homines bonos supra nominati quod monasterium Sancti Justi habuisset de illo casale de qui chamant Palacium, et casas et in formales et in cortinas et in ipsam uineam quomodo iacet ualadam per illam uestram qui iacet contra quintanas et per suum vallum inpronum et fer in fontem de Donnas et ipsum habunale de sub fonte de Donnas, et de ipsum agrum quod uocitant de Prado quod exibat per ipsam ribam de Chusela et fer in ipsa aqua de Chancela et exiebat per ipsos marchos quos de parte hereditatem de Deeyra de Susana et uenit per illam ueredam quod uenit ad Palacium et leira de Nogeyras et de hoc casale quomodo est conclusum per ipsos terminos et de illa leyra de Nogeyras habuisset monasterium vnam VI^am integram et hereditatem ista non debet monasterium dare nulli homini nisi de genere isto aut teneat eam per se uel per homines sui nec ipsi heredes non debent uendere nec suppignorare nec dare in prestimonium alii nisi de genere isto uel ad monasterium. Et quis hoc pactum fregerit uel fregerint alteri soluat solidos D; et hoc placitum semper firmum remaneat.

Ego Petrus Didaci, notarius concilii Noye jurati, scripsi quomodo dederunt notatum abbas Sancti Justi et Arie Petri, miles de Ualeyron, per ante bonos homines Johannes, // iusticiarius Noye, Johannes Iohannis dictus Figeyro, Pelagius Gelada, Petrus Martini, carpentarius.