Abnucionem Juliani Petri de VIII^a ecclesie Sancti Johannis de Bugiam.

Era Ma CCCa IIa et quotum XVII kalendas iulii. Notum sit omnibus quod ego Julianus Petri de Saniar dictus Boleyro et omnis uox mea vobis domno Juliano, abbati monasterii Sancti Iusti de Togis Altis, et conuentui uestro omnique uoci uestre facio quitationem et anuptionem firmissimam in D solidis roboratum ita quod ego quito uobis et monasterio uestro quantum ius ego habebam in ecclesia Sancti Iohannis de Bugiam et quantam demandam faciebam uobis in VIII^a tocius dicte ecclesie de Bugiam que fuit de patre meo Petro Ordonii et quantam demandam faciebam etiam uobis in alia octaua dicte ecclesie de Bugiam que octaua fuit de Fernando Iohannis Carutel. Quito etiam et anuncio uobis inquam omnes istas dictas demandas pro XX solidis legionensis quos mihi proinde dedistis, et decetero nec ego nec aliquis ex parte mea nunquam impediamus uos super dictam ecclesiam Sancti Johannis de Bugiam. Quod nisi compleuero pectem uobis penam supradictam quitacionem et abnucionem istam nichilominus in suo robore permanentibus.

Q. p. f.: Pelagius Pelagii, prior Sancti Iusti. Affonsus Martini et Martinus Leuis, monachi Sancti Iusti. Martinus Moogus, clericus ecclesie Sancti Mametis de Carnota. Petrus Iohannis de Petadriz. Petrus Beyto de Bugiam. Martinus et Pelagius Iohannis, clerici ecclesie Sancti Iuliani de Bastauales.

Ego Simon Petri, notarius iuratus de Amaya, scripsi et interfui et confirmo.