Carta de Adosinda Pelaiz de hereditate de Tali et de Bornalio et de Geliuir.

In nomine Dei omnipotentis Patris et Filiique et Spiritus Sancti, amen. Ego Adosinda Pelagii et omnis uox mea tibi domno Pelagio, abbati monasterii Sancti Justi, et omni congregationi et omni uoci uestre tam presentibus quam futuris facio kartam et testamentum in omni salute et corporis ualitudine nullo ominum imperio coacta sed spontanea et placida mente pro peccatis meis et pro remedio anime mee meorumque parentum de porcionibus mearum hereditatum que habeo ex successione meorum auorum siue de ganantia et ut uos me contineatis in hoc mundo dum uixero, scilicet ut mihi detis pellem cordariam in presenti et per unumquemque annum quarteyros IIos de pane et saiam uel ceramem de grisem et adiuuetis me semper excaseis butiro, piscibus et cetera. Hereditates autem uobis quas do et concedo hec sunt, scilicet quantum habeo in Tali et in Bornalio quantum habuit ibi pater meus Pelagius Iohannis et mater mea Ardilo Nazanzi tam ex auolencia quam ex ganancia, et est medietas integra ex ambobus sicut sortita sum eas per medium cum alia mea germana Truilli Pelagii unde ipsa habuit aliam medietatem sicut ea habuimus in a era et in alio loco, meam hereditatem de Geluir que est in Noia quam comparaui cum marito meo Johanne Muniz cognamento Caluo que fuit de Enego Guimaraz, et est media de una nona, quod mihi et uobis bene complacuit. Ita ea vobis ab integro do et concedo cum omnibus suis iacenciis ubicumque ea potueritis inuenire ut ab hodie die de jure meo sit abblasa et in uestro dominio tradita detis, donetis, uendatis, possideatis uelle uestrum ex ea faciatis. Quod siquis ex mea parte uel ex extranea hoc spontaneum meum factum contradicere temptauerit sit maledictus et excomunicatus et cum maledictis in inferno dampnatus et pro ausu temeritatis a parte monasterii solidos Cm exsoluat et hereditates duplet; et kartam istam robur // semper obtineat.

Facta carta donationis et testamenti in era Ia C^a LX^La II^a et quotum VII^o idus januarii.

Ego Adosinda Pelagii sicut fieri iussi ita propriis manibus roboro.

Q. p. f.: Petrus, ts. Pelagius, ts. Ordonius, ts. Cresconius, presbiter, conf.  Fernandus, presbiter, conf. Anaia Carnote, conf. Martinus Muniz, conf.

Martinus, presbiter, scripsit.