Carta de ecclesia Sancti Iuliani de Bastauales et de domo de Ciquielo et Ualinum et Rouoredo et in ecclesia Sancte Cecilie et in terra de Carnota porcionem ecclesie Sancti Mametis cum porcione de villa de Parada.

Ad hoc scripta fiunt, et cetera. Quod circa ego Froyla Alfonsi et omnis uox mea vobis abbati domno Petro monasterii Sanctorum Justi et Pastoris et monachis eiusdem loci tam presentibus quam futuris et omni uoci uestre pro huius seriei paginam inpresendiarum spontanea mente et prouido consensu facio kartulam et textum scripture firmitatis de porcionibus meis domorum et hereditatum quas habeo et habere debeo ex mea auolencia similiter et ex mea ganancia scilicet de domo que est in urbe compostellana loco certo super illum Ciquiillum penes, domos et solia que fuerunt domni Didaci archiepiscopi coram furno quod est de Arias Didat, canonico. Do etiam Valinum et Rouoredum siue hereditatem quomodo et ganatum. Do pariter porcionem meam de ecclesia Sancti Juliani de Bastauales cum suis directuris et quantum habeo in Sancta Cecilia. In terra Carnote do porcionem meam de ecclesia Sancti Mametis cum suis directuris et porcionem meam de Parada. Ceteras hereditates diuidantur inter se filii mei. Habeatis itaque omnes porciones meas de predictis uillis et domo et de eis // omne uelle uestrum libere faciatis euo perhenni et seculo, amen. Sed si aliquis filius propinquus uel extraneus quod absit seu cuiuscumque condicionis homo contra hoc meum testamentum ad irrumpendum uenerit pariat uobis uel uoci uestre in duplo uel triplo et insuper solidos mille; et hoc scriptum semper maneat firmum.

Facta carta testamenti die II^e idus maii sub era I^a Ca LXX^a IIII^a.

Ego predictus Froyla Adefonsi in hac kartula testamenti manus meas.

Q. p. f.: Petrus, ts. Pelagius, ts. Johannes Arias, ts. Ego Froyla, conf.

Munio, clericus, qui notuit.