Carta de domna Vrraca Alfonsi, filia domni Alfonsim, canonici compostellani, de hereditate de Regoaes.

In nomine Domini. Notum sit omnibus quod ego dona Vrraca Adefonsi, filia uidelicet domni Affonsini, compostellani canonici, presente et concedente filio meo Pelagio Michaelis, et omnis uox nostra vobis domno Johanni Tudini monasterii Sancti Iusti de Tribulis Altis omnique eiusdem monasterii monachorum conuentui et uoci uestre, facimus grato animo et bona uoluntate cartam uendicionis de tota mea hereditate quantam habeo de auolencia et de ganancia in illa villa de Regoaes que est in concurrencia Sancti Juliani de Luania. Hanc igitur supradictam meam hereditatem totam uobis ab integro uendimus et libere ac firmiter concedimus cum omnibus directuris et bonis eidem hereditati pertinentibus intus et extra, id est montibus, et cetera; pro precio quod nobis et uobis satis complacuit, id est solidos XL^a VI fortis monete regis legionensis cum placabili robre, et tam de precio quam de robore nichil, et cetera. Ab hinc igitur habete eam, possidete eam et omne uelle uestrum de ea imperpetuum facite. Siquis ex parte mea aut extranea contra hoc scriptum ad irrumpendum uenerit uel uenerimus quisquis fuerit pectet supradictam hereditatem duplatam et insuper solidos LXL II; et hoc scriptum sit semper firmum.

Facto scripto huius uendicionis XVII^o kalendas maii, era M^a CC^a LX IIII.

Nos iamdicti in hoc scripto manus nostras. //

Q. p. f.: Petrus Arie dictus Monachus, conf. Johannes Gunsalui de Subfratribus, zapatarius. Gunsaluus Iohannis, zapatarius. Adefonsus Pelaiz Sancti Juliani de Luania, conf. Petrus Iohannes, zapatarius de Subfratribus, conf. Petrus Didaci, filius Didaci Petri de Uiogio. Johannes Oarez, tabernarius.

Ego Pelagius Martini, clericus, compostellane ciuitatis publicus notarius juratus, scripsi.