In nomine domini amen. Ad honorem sancte et individue Trinitatis Patris et Filii et Spiritus Sancti et beatissime virginis matris Christi omniumque sanctorum et celestis curie sanctorunque quorum reliquie in lucensis ecclesiam venerantur. Nos frater Iohannes, miseracione divina lucensis episcopus, una cum consensu universi capituli nostri attendentes pauperitatem et tenuitatem mensse eiusdem capituli, annectimus administracioni mensis iulii ecclesiam Sancti Iohannis de Parada, lucensis diocesis, qui sita est in terra [espazo en branco] predictam autem ecclesiam dicte administracioni annectimus seu unimus cum iuribus et pertinenciis suis, ita tamen qui in eadem divinus cultus seu divinum officium non fraudetur, scilicet ille administrator qui pro tempore in dicta administracione fuerit, teneatur instituere in eadem ecclesia cum vacaverit seu ponere perpetuum cappellanum qui predicte ecclesie et populo serviat in divinis et administret ecclesiastica sacramenta, et personalem residenciam faciat in eadem; super quibus omnibus administratoris qui pro tempore fuerit et lucensis capituli consentientis oneramus.

Reservata nichilominus congrua sustentacione perpetuo capellano qui ponendus fuerit in ecclesia supradicta. Reservamus etiam in eadem ecclesia tam ius episcopale tam legis diocesane quam iurisdicionis seu subsidii prestandi si necesitas exegerit et aliud ius quodcumque quod ad episcopum spretare debeat de consuetudine vel de iure. Hoc autem dicto capitulo seu etiam administratori qui preffatam administrationem tenuerit concedentes [...] redditus et proventus ipsius ecclesie in utilitatem suam convertantur salvo in omnibus iure prelati [...].

Actum Luci in hospicio domini episcopi ubi consuevit capitulum celabrari, presentibus domno episcopo et aliis de [capitulo], in era Mª CCCª XLª VIIª et quotum IIIº kalendas september.

(Notario Francisco López).