Notum sit omnibus per hoc scriptum perpetuo valiturum quod nos Gundisalvus Nuni decanus et capitulum auriense damus vobis Martino Domenici de Sequeiros et Marine Domenici uxori vestre et Johani Petri et uxori vestre Domenice Martini quondam montem qui nominatur Siqueiros sicut dividitur per metam que est posita in via de Geestosa et per divisionem que fit cum filiis Petri Tacon militis et cum filio Reymundi fratris illius et per viam marmurais que venit de Puga et per boucam Marine Odoriz que iacet in plano. Et mons iste iacet inter villam de Olivar et Sanctum Mametem. Damus inquam vobis predictum montem ut vos et omnis vox vestra habeatis et possideatis eum ex nunc iure hereditario perpetuo possidendum et excolatis eum bene et plantetis et propaginetis bene domeas in omnibus locis aptis ad plantandum. Et detis inde nobis et successoribus nostris vos et omnis vox vestra annuatim in salvo terciam partem panis et quartam partem vinii et omnium fructium videlicet panem in area et vinum in torculari. Et non intrabitis ad colligendos fructus sine maiordomo nostro cui debetis providere in cibo et potu conpetenter dum fructus colligeritis et inabitetis ibi semper vos et omnis posteritatis vestra. Et debetis esse vassalli nostri fideles et obedientes vos et omnis vox vestra et non alterius. Et iste terminus montis supradicti nunquam dividatur nisi in duabus personis tantum et non in pluribus. Et si vendere vel donare vel obligare volueritis dictum terminum montis illius vel partem eius vendatis vel donetis vel obligetis primo nobis et successoribus nostris vel alicui de nostro capitulo qui si voluerimus eum vel partem eius emere vel obligatum recipere (...)tis vel obligetis eum vel partem eius tali persone que teneatur ad omnia supradicta dum modo non sit miles nec domina nec religiosa persona nec servus nec maiordomus alicuius potentis viri vel domine nec moratore alicuius burgi vel castri seu civitatis auriensis. Et non debetis ibi nutrire filium militis nec domine nec debetis contra auriense capitulum alicuius deffensionem vel dominium invocare nec debetis dictum terminum legare vel partem eius alicui ecclesie vel religioso loco nec anniversarium super eum ponere nisi ecclesie Beati Martini auriensis. Et si questio super aliquo inter nos et vos et successores nostros et vestros orta fuerit per duos de capitulo nostro terminetur omni appellatione cessante. Et si per inpotentiam vel negligentiam cultura dicti termini supradicti montis omissa fuerit vel aliqua ex hiis que superius sunt conprehensa non fuerint observata licitum sit nobis et successoribus nostris predictum terminum predicti montis prout eum invenerimus auctoritate propria recipere et habere sine contradictione aliqua si voluerimus. Et ad hoc sit conplendum nos Martinus Domenici et uxor mea Marina Domenici et Johanes Petri et uxor mea Domenica Martini pro nobis et successoribus nostris obligamus nos et omnia bona nostra tam habita quam habenda. Et nos predictum capitulum et successores nostri debemus deffendere vos et successores nostros ad directum cum predicto termino predicti montis. Aucta fuit hec in capitulo, xxvª die mensis julii, era mª trecentesima liiiiª, presentibus testibus Michaele Domenici maiordomo predicti capituli, Martino Domenici, Estephano Fernandi, Gondisalvo Martini dicto Rella, Johane Domenici dicto Franquelina Triga et Roderico Guteriii clericis chori et Gondisalvo Petri archipresbitero cantorie.

Et me Bartholomeo Petri cantore et cancellario civitatis auriensis qui premissis omnibus interfui et in mei presencia scribi feci signumque meum consuetum apposui in testimonium premissorum.

(signum)