Quia quandiu vivimus, peccata multiplicare non cessamus; contra unaquaeque vitia singula Dominus opposuit medicamenta; ut tenacibus largitatem, iracundis mansuetudinem, elatis praeciperet humilitatem. Idcirco ego Adefonsus Hispaniarum Imperator una cum uxore mea Dna Berengaria, sapienter intelligens & intelligendo complere satagens pro salute mea, & parentum meorum, illud donum quod Pater meus Comes Dns Raimundus, & Mater mea Regina Dna Urraca, seu etiam Avi mei de Civitate Tudensi, & de omnibus cautis eidem Ecclesiae pro salute animarum suarum fecere, Deo auctore confirmo, & si quid in Tudensi Civitate, seu in cautis ejusdem Sedis mihi Regio jure pertinet, totum, quidquid illud sit, vobis Dno Pelagio ejusdem Sedis Episcopo, & vestris successoribus, & Canonicis dono, & in perpetuum habendum concedo, videlicet, ut integram habeatis potestatem, & donationem super Civitatem Tudensem, & super Cives ejusdem, & super homines de omnibus cautis vestris, & ut recipiatis plene calupnias vestras ad illis, tam parvas, quam magnas. Et ipsi numquam habeant alium dominum, neque vendant domos, nec hereditates suas aliis Sanctuariis vel militibus, aut aliis hominibus majoribus se, qui possint male parare directuras vestras, & ut recipiatis jantares moderatos ad hominibus de singulis cautis vestris. Praeterea nullus Majorinus aut subricius, aut gallinarius, nec pro furto, nec pro rauso, nec pro homicidio, nec pro forcia, nec pro calupnia aliqua intret in cautos vestros, neque in Civitatem Tudensem, nisi quando à vobis fuerit vocatus: & quando vos vocaveritis eum por justitia facienda, habeatis vos medietatem de calupniis, & de alia medietate, det vobis decimam.
Do etiam potestatem ponendi Judices tam in Civitate Tudensi, quam in omnibus cautis vestris, qui omnes emergentes causas tam in Civitate, quam in eisdem cautis judicent secundum consuetudinem Regni: & nullus audeat pignorare, neque in Civitate, neque in cautis vestris sine majordomo vestro. Incauto etiam vobis omnes Vacarias vestras, ut neque Comes, neque Majorinus aliquis in eis audeat pignorare, neque calupniam aliquam accipere. Do etiam vobis portaticum de Portu ipsius Civitatis, & incauto vobis ipsum flumen á fauce Minei usque ad Villam de Lazoiro, ut nullus in eo pignoret sine majordomo
vestro, & omnes mercatores cum mercaturis suis securi eant, & securi veniant ad ipsam Civitatem. Et nullus habeat navem conductitiam in ipso portu exceptis vobis.
Do etiam vobis, & in perpetuum confirmo Turrem illam quam feci fieri in Tudensi Civitate juxta vestrum Campanile, propter defensionem Regni nostri, ut tam turris illa, quam Civitas Tudensis cum toto in ea jure Regio numquam à vestro dominio sit excepta. Et do vobis hereditario jure totum Regalengum & infantaticum de cauto vestro de Benevivere, & de omnibus aliis cautis vestris, tam in vinias, & in terris cultis, quam incultis, tam in monte, & in baucis, quam in fonte. Concedo etiam vobis ut animalia vestra & pecudes libere pascantur, tam in cunctis cautis, quam etiam in resiis, praeterquam in locis cultis & defensis. Praeterea de illis quae ad victum & vestitum vestrum & Canonicorum vestrorum pertinent, undecumque deferantur, in toto Imperio nostro nullum pedagium, sive portaticum exigatur.
Adjiciendo etiam do vobis in perpetuum hereditario jure Castellum S. Helena in terra de Mineor, cum omnibus suis directuris & terminis, sicut eos habere, vel habuisse dignoscitur, montibus, vallibus, egresibus, & ingresibus, terris, vineis, pratis, aquis, pasquis, molinis, hortis, & cum omnibus aliis rebus eidem Castello pertinentibus, quocumque loco potuerint inveniri. Hoc autem facio pro remedio animae meae, & parentum meorum, & ad stabilitatem Regni & Imperii mei, & ut vos Episcope Dne Pelagi, & cuncti successores vestri, tam Episcopi quam Canonici Tudenses, sitis fideles subditi mei, & cunctorum successorum meorum, tam de Civitate Tudensi, quam de Castello praedicto. Hanc confirmationem & donationem quam Ecclesiae Tudensi, & Domno Pelagio ejusdem loci Episcopo facio, Deo teste confirmo, & omni tempore firmam & stabilem, liberam & quietam esse concedo.
Si quis autem de meo vel de alieno genero huic meae Donationi & confirmationi postmodum contrarius venerit, & eam disruperit, perenni anathemate percussus in inferno cum Juda proditore, & Datam & Abiron in perpetuum tomentetur, nisi resipuerit. Pectet insuper pro temerario ausu Regiae potestati mille libras auri, & duplatum reddat quod in ipsa Civitate vel in ipsis cautis violenter acceperit, aut alias Episcopo Tudensi vel Canonicis ejusdem violentiam intulerit.
Facta Carta Carrione praesente Dono Pelagio Tudensi Episcopo, & Dono Petro Cluniacensis Ecclesiae Abbate Era M C LXXX mense Augusto, praedicto Imperatore Adefonso imperante in Toleto, Legione, Saragocia, Najara, Castella, & Gallecia. Ego Adefonsus Imperatos hanc Cartam quam cum uxore mea B. jussi fieri confirmo, & manu mea roboro: Raimundus Toletanus Archiepiscopus conf. Petrus Secoviens Epus conf. Petrus Palentinus Epus conf. Joannes Legionens Eps conf. Martinus Auriensis Epus conf. Comes Ferrandus de Gallecia cf. Comes Rodericus Velez cf. Ferrandus Joannis cf. Pelagius Curvus cf. Didacus Monioz Majordomus Imperatoris cf. Rodericus Fernandez cf. Lop. Lopez de Carrione cf. Pontius de Minerva Alferiz Imperatoris cf. Geraldus scripsit jussu Magistri Hugonis Cancellarii Imperatoris.
