CHRISTUS. In nomine sancte et indiuidue Trinitatis, Patris et Filii et Spirito Sancti, amen. Ea que intentio nostra diuina cum presencia curie statuit et statuta confirmauit et ne in posterum obliuoni tradantur scripto mandari decreuimus.  Catholicorum regum est sancta loca personasque religiosas largis ampliare beneficiis et pro earum meritis amplius ditare muneribus; qua propter ego rex domnus Fernandus una cum filio meo rege dono Adefonso patris mei Adefonsi bone memorie imperatoris sequens uestigia monasterium Sancti Justi de Togis Altis in heremo Dei amore tam donis quam dignitatibus exaltare studuit omnia quecumque alii uel ipse dederint concedendo laudo et confirmo per quem sancte Marie uirginis et sanctorum Iusti et Pastoris et aliorum omnium gratiam recognoscam in terris qua meritum donationis promereri desiderio in celis. Recipimus igitur totum ipsum monasterium nec non et res uniuersas quibus continetur abbatem Petrum scilicet et monachos tam presentes quam futuros sub regula sancti Benedicti in eo monasterio intuitione et nostra deffensione recipimus omnes hereditates quas nunc possident et in futuro possidebunt et decetero nullus eas inquietet uel eis malum faciat;  recipimus uniuersos homines suos qui in monasterii hereditatibus morantur seu mora[turi] sunt quod amplius non respondeant alicui de [fu]rto, de homicidio, de rauso, facendaria aut fossadaria seu de aliqua calumpnia uel foro regio debito aut seruicio quo alii nobis homines tenentur respondere nisi tamen [abbati] suo uel priori uel aliis qui res monasterii de illorum mandato tenuerint. Preterea facimus carta donationis imperpetuo ualituram ipsi monasterio et abbati dileto et uenerabili fideli nostro domno Petro et omnibus suis monachis tam presentibus quam succedentibus scilicet quod ab hac die non sit aliquis ausus in meo regno tam per mare quam per terras de suis rebus quascumque secum tulerint pedagium accipere sed res et omnes sui homines transeant securi et quieti quacumque parte mei regni ire et transire uoluerint. Has autem donationes facimus imperpetuum ob remedium animarum nostrarum et omni parentum nostrorum quod deinceps non quis audeat neque ecclesiastica seu laica persona potens uel inpotens, sagio regis uel mairoinus qui hoc monasterium uoluerit molestare seu de suo aliquid accipere uel super illum aliquam potestatem de mandare; sed monasterium abbas, fratres et omnes homines ipsius monasterii sint liberi ab omni inquietatione et quieti. Et illam eadem libertate eis indulgemus quam patris nostri imperatoris munificencia in suo testamento // contulit et collata confirmauit. Siquis autem tam de nostro quam de  aliorum genere contra hoc nostrum factum spontaneum uenire presumpserit iram  Dei omnipotentis et regie indignationem incurrat et cum Iuda, Domini traditore,  Datha[m et] Abirom quos terra uiuos obsorbuit in inferno sit condempnatus et [pro  ausu] temerario siquid inuaserit quadruplet et parti regie XXi libras auri [puri]ssimi  in pena persoluat. Et ut hoc scriptum nulla occasione possit [tur]bari sed semper  maneat firmum et inconcursum, sigillum nostrum ponimus et nobilium nostrorum  subscriptionibus confirmamus.

Facta carta apud Xemam IIIIº nonas decembris in reditu nostre expeditionis  de Xares, sub era Mª CCª XVª. Regnante rege domno Fernando Legione, Gallecia,  Asturiis et Extremadura.

Ego Fernandus, Dei gratia Hyspaniorum rex, una cum filio meo rege  domno Adefonso hoc scriptum quod fieri iussi proprio robore conf.

Petrus, sancte compostellane ecclesie archiepiscopus, conf. Johannes,  legionensis episcopus, conf. Johannes, lucensis episcopus, conf. Vitalis, salamantinus  episcopus, conf. Rodericus, ouetensis episcopus, conf. Adefonsus, auriensis  episcopus, conf. Beltrandus, tudensis episcopus, conf. Rabinadus, mindoniensis  episcopus, conf. Fernandus, astoricensis episcopus, conf. Villielmus, cemorensis  episcopus, conf. Petrus, ciuitatensis episcopus, conf.

Velascus, comes de Limia, conf. Gomez, comes in Trastamar, conf. Adefonsus,  comes in Ciuitate et Salamanca, conf. Gunsaluus, comes sine terra, conf. Gunsaluus Osorii, regis maiordomus, conf. Fernandus Guterriz, regis signifer, conf.  Fernandus Poncii sine terra, conf. Fernandus Uele Asturias, conf. Fernandus Roderici de Benauente, conf. Fernandus Arie in Castella, conf. Johannes Arie in Castella, conf.

Ego Bernardus, regis subnotarius, per manum Petri de Lauro, cancellarii,  scripsi.

(F. 9v.- MINIATURA QUE REPRESENTA A FERNANDO II E A SÚA MULLER, DONAURRACA DE PORTUGAL).