DE A/B/LOZINOS KARTA.
Salvatori omnium et redemtori cuius sanguine preciose mundus congaudet redemptus, quem omni genera rerum sibi suum cumlaudat Dominum unum qui regna celum, terra regesque potestas humilibus nec et in evo graciam dare promittis, qui superbis rigore librato resistis, hac eorum superbie ducem censura regia postras, qui humanum genus quotidie nasci ad lucem, vel iterum reverti in cinere mandas, qui omnium te deprecantium ut pius pater exaudis. Suscipe queso precem tui indigni famuli tui Veremudi tuo munere regali sede indeptus, et ea que tibi servientibus et iuste nomen tuum invocantibus dare decerno, tamquam tibi ipsi dando gratiam presta quos datio pavidi niteremur offerre, nisi tuis roboraremur alloquis qui dixisti: Quamdiu aliquis de ex minoribus meis feceritis mihi fecistis. Etenim nulli ambiguum est clementie nostre consulens tibi dilectus noster frater Didacus abba et monasterium Cellenove atque meum monacorum congregatio regulis patrum norma tenentes, quod et peticionibus vestris faventes, et nobis in celestibus lucra providentes dum ab ea luce extiterimus vocati, concedimus ipso monasterio vel pro eorum stipendiis qui ibidem in vita sancta perseveraverint qualiter eorum suffragio salvari meramur in die mala. Id est damus et confirmamus ibidem mea [ra]tionem in ripa Minei, duas deganeas in Buvalo, Ablocinos et Barra, quomodo concludet de rivulo Barvantes et vertitur in flumine Mineo. Et iterum miscitur illa deganea alia (...)1 per aqua de Perogia, et descendit sic in Mineo. Servata ratione sic hordinamus ut per manus de fratres qui in monasterio ipsius Cellenove extiterunt et triebum de (...)2 palatio et paratas libenter et diligentissime illud accipiant, neminem in aliud ex nostram serenitatem vel iussionem non hordinamus qui vel inmodice vos in aliquo ibidem inquietet, sed ut habeant inde servis Dei et milites Christi qui sunt ex monasterio nostrum Cellenove temporale subsidium, et nos ante Deum premium inconvulsum. Ita post parte Dei et predicti monasterii ab omni integritate testamus ipsos homines in omni integritate ad serviendum pro remedio animarum nostrarum quos in hec testamentum damus et confirmamus et maiestas Domini in medium statuimus quod nunquam contra hanc testationem ad infringendum venire temtemus. Si quis sane ex successoribus nostris vel cuiuslibet alicuius persona potentior aut inferior hec factum nostrum infringere quiverit, quicumque ille fuerit sit excomunicatus et perpetua confusione multatus in conspectu Patris omnipotentis et sanctorum arcangelorum et apostolorum et martirum eius, et insuper cum Iuda Domini proditore uno contubernietur in loco in tenebris exterioris et caligosis atque pariet tantum et aliut tantum quantum infringere quiverit et hanc scripturam plenam habeat firmitatem.
Facta series testamenti IIIº Kalendas Octobris. Era MªXXIII.
Veremudus nutu divino Rex hoc vero confirmo (signum). Velasquida regina confirmans (signum).
Sub Christi nomine Savarigus Legionensis sedis episcopus cfr. Sub Christi potentia Gundisalvus Astorizense sedis episcopus cfr. Sub imperio divino Hermegildus Lucensis sedis episcopus cfr. Sub gloriosa clementia Armentarius Dumiense sedis episcopus cfr. Sub Christi nomine Pelagius Yriense sedis episcopus cfr.
Guttier Osoriz cfr. Menindus Gundesalviz cfr. Suario Gundemari cfr. Ranemiro Gundisalviz. Munio Gudesteiz cfr. Suario Gudesteiz.
—
1 +- 6
2 +- 4
