Sub Christi nomine et individue Trinitatis quod est Pater et Filius videlicet et Spiritus Sanctus substantie inseparabilis quod corde credimus ore profetimur. Credimus Patrem ingentium Filium genitum Spiritum Sanctum ab utroque procedentem Filium solum carnem de Virgine suscepisse, et in mundo pro salute hominum in se credentium venisse et de Patre Spiritum Sanctum nunquam / recessisse. Unde et ipse ait, ego et Pater unus sumus et qui me abet abet et Patrem et qui me videt videt et Patrem. Et rursum Deus mihi sedes est, et terra scabellum pedum meorum quocirca totamque Trinitatem in celum angeli adorabant, et in terra magis magisque clamabant, ite vendite omnia que possideatis et date elemosinam, et venite seguimini me, et iterum si quis vult post me venire abneget semetipsum et tollat crucem suam et sequatur me. Itemque in alio loco, qui plus amat patrem aut matrem aut uxorem aut filios vel omnia que de mundo trauseunt plusquam me, non est me dignus. Rursumque, qui non odit patrem aut matrem, uxorem, filios, aurum, argentum, que omnia possidet insuper et animam suam non est me dignus, et qui omnia reliquerit propter me et propter eglesiam meam centuplum accipiet, et presenti seculo et in futuro vitam eternam possidebit. Quamobrem si fecerimus que precepit ille implebit que promisit, unde et Petrus apostolus ait, nos ergo qui reliquimus omnia et secuti sumus te, quid erit nobis, et Dominus ait, Amen, amen dico vobis quia vos qui reliquisti omnia et sequisti estis me in regeneratione cum sederit filius hominis in maiestate sua, sedebitis et vos super XIIm sedes vidicantes duodecim tribus Israel. Ergo proinde melius multoque melius est mundum calcare, Christum audire, eglesiam colere, vitam beatam cum sanctis angelis in eternum et per omnia secula seculorum possidere. Pro hac enim divino ardore succensi quemadmodum et ipse ait, ignem veni mittere in terram, et quod volo nisi ut ardea. Item ipse prophetam, ignem ardentem extinguit aqua et elemosina extinguit pecata, et in alio loco dicit, declina a malo et fac bonum et habita in secula seculorum.

Hac per hoc ecce ego Donon Trasarit et uxor mea Trastalo pactum facimus Deo creator ad redemptori nostro sive et vobis domno et patri nostro abbati domno Manillani et fratribus vestris monasterii Cellenove commorantes, de omnibus nostris hereditatibus quas abuimus de avorum nostrorum et parentela vel de comparato aut contramutato sic et de diversis adquisitionibus quod Domno largiente emptum vel Donitum accepimus sub regiminis principe nostro rex domno Vermudo et de prole suo succedente in regno rex domno Adefonso, sic et comite domno Menendo. Damus atque concedimus vobis villas nuncupatas, una quam vocitant Saucto cum adiuntionibus suis, alia quam vocitant Columnas, IIIª villa quam vocitant Merici, IIIIª villa quam vocitant Arcus cum adiuntionibus suis, Gontani, Sautulio, Lapavara per terminos antiquiores, alia quam dicunt Lavandaria patent iacentia territorio Bubalo discurriles aquas rivulo Mineo. Damus atque concedimus illas ad perhabendum et deinceps ad modum quantum potuerimus aucmentare et prolivicare in ipsas villas et in illo vestro monasterio de Paratella, vocabulo sancto Salvatore et sancta Maria, quam nobis conceditis ad habitando et propalando in nostra vita, et cum Dei adminiculo quantum nos ibi potuerimus aucmentare, villas, argentum, monasteria aut vestimenta, et omne ganatum quodem mulos, caballos, equas, greges ovium, caprarum et porcorum vel omne omnino re tam maiora quam minora usibus hominum necessaria quntumcumque dudum in ipsas supradictas villas, et monasterio Paratella tam hic quam et in alio ubi nostras in veritatis possessio vel facultas. Cuncta domno nostro iamdicto Manillani abbati et fratribus suis monasterii Cellenove habitantibus perhenniter servitura concedimus. Nullum etiam ius possidendi concedimus ibi propinquis nostris vel extraneis, sed ut diximus abbati vel fratribus Cellenove commorantibus, et in vita sancta perseverantibus. Si quis tamen, quod fieri non credimus, aliqua forma hominis contra hoc pactum vel factum nostrum ad irrumpendum venerit, quisquis ille fuerit / in primis sedeat anathematus, et a fide Christi segregatus vivens a fronte lucernis careat ambobus luminibus, et cum Iuda Domini proditore lugeat penas eternas in tartara dampnatione. Et hoc factum nostrum cunctis diebus firmiter obtineat roborem.

Facta series testamenti et diem confirmationis VIIIIº Kalendas Apriles. Era discurrente post Millesima XLI.

Ecce nos iamdicta Donnon et Trastalo in hanc kartulam testamenti manibus nostris propriis roborem iniecimus (signum).

Menendus Gundisalviz cum uxore Tuta manu mea cfr.; Pelagius Arualdi filius cfr.; frater Cresconius qui et prepositus erat cfr.; magister Iulianus cfr.; frater Fortis cfr.; Vitizani cfr.; frater Senta cfr.; frater Oduarius cfr.; frater Abanibe cfr.; Nausti Frolani cfr.;

Sub Christi nomine Pelagius episcopus prolis Ruderici cf.; Dominica adscitus vocatione Viliulfus Auriens (sic) sedis episcopus cfr.

Ego serenissimus rex Adefonsus sanctam et veram Trinitatem credendo in hoc testamento nomen meum iussi scribere, et quod ordinavi perpetum ad confirmandum roborem inieci.