Testamentum domni Lucii Alfonsi de VIII^a ecclesie Sancte Marie de Olueyra cum hereditate de Spinar[ido et heredi]tate de Asparrelo et hereditate de Soutulo ultra pontem de Ollariis in terra de Varzea.

Era M^a CC^a IIII^a et quotum VII^o kalendas decenbris. Ego Lucius Anfonsi iturus Iherosolimam mando de rebus meis et de hereditatibus qualiter post mortem meam ordinate remaneant. In primis mando medietatem illius domus que fuit episcopi Munionis Beato Jacobo, et cetera. Inter alia que mando, mando ad monasterium Sancti Justi octauam tocius ecclesie Sancte Marie de Uluaria cum suis directuris insimul cum hereditate de Spinarido cum suo ganato sicuti eam ganaui, et hereditatem de Sparreli cum suo ganato, et hereditatem de Soutulio que iacet ultra pontem de Olariis cum suo ganato; insimul cum mea parte de illis equabus quas habeo cum Sancto Justo, et cetera. Et quando filii mei rediderim monachis de Sancto Justo XXX marcas illi deliberent meam domum quam tenent in pignore que est in Campo, et hoc meum factum compleat, et cetera. Et quis hoc scriptum irrumperit uel irrumpere temptauerit sit maledictus et ex parte Dei omnipotentis excomunicatus et regie potestati mille morabitinos persoluat.

Martinus, Antealtaris monachus et notator, notuit et proprio robore conf.