Partizon de Silua Redonda.

Villa de Silua Rotunda sic diuiditur: de uoce Petri Didaci habet monasterium Sancti Iusti unam mediam decimam in Silua Redonda; de hereditate que fuit de Auuirigu de una quarta habuit Petrus Didaci vnam octauam et est de Sancto Iusto; de hereditate de Quian fiunt VIex partes, et una sexta fuit Petri Didaci et mandauit eam Sancto Justo; de omni planctato quod plantauit Didacus Petri Lezenio qui fuit mater Petri Didaci quartam habet Sancto Iustus pro Petro Didaci; de plantato quod fuit de Auuego vnam mediam decimam habet Sanctus Iustus pro Petro Didaci. Ista habet Sanctus Iustus in Silua Rotunda pro Petro Didaci et quantum habet in Silua Rotunda pro eo tantum in Eruogo pro eodem debet habere.