In nomine domini amen. Notum sit omnibus per hoc escriptum perpetuo valiturum quod magister Petrus decanus auriensis cum universo eiusdem ecclesie capitulo, dant et concedunt Johani Velasci de Allierico et uxori sue Guyomari Gomecii et omni voci sue quendam montem quem habent in Puga in loco qui dicitur Alvam, secundum quod dividitur per rivulum ex parte una et ex altera per aliam leyram dicte Guyomaris Gomecii, deinde per saltum Arie Petri militis et per hereditatem militum et intestat in hereditate Mathie Stephani canonici auriensis. Dant inquam eis et concedunt dictum montem cum omnibus directuris et pertinenciis suis, hoc modo quod ipsi erradicent eum et plantent de vinea et excolant et parent eam bene ita quod non deficiat per culturam, et ipsi ambo dabunt in vita sua quartam partem totius fructus qui ex dicta hereditate provenerit per hominem capituli, panem videlicet in area et vinum in torculari, et ad mortem ipsorum amborum remaneat uni persone successive perpetuo et dabunt terciam partem totius fructus ut dictum est, et nunquam in plures personas dividatur et sic successive perpetuo observetur. Et si forte ipsi vel successores eorum dictam hereditatem vendere seu obligare voluerint primo capitulo vel alicui de capitulo vendant vel obligent pro iusto precio si eam recipere voluerint. Sin autem vendant vel obligent eam non militi nec religiose persone nec servo vel maiordomo alicuius potentis viri, sed tali qui teneatur capitulo ad omnia ad que ipsi ex predicta tenentur pactione, preterea non liceat eis nec sussessoribus suis contra capitulum super dicta hereditate alicuius defensionem vel dominium invocare nec super ea anniversarium ponere vel legare nisi capitulo auriense, et si inter ipsos et capitulum ex aliqua causa super dicta hereditate questio mota fuerit per duos de capitulo a partibus electos omni appellatione remota suscitata questio terminetur, preterea hoc in pacto deductum est quod si per impotenciam vel negligenciam eius qui dictam hereditatem tenuerint cutura eius omissa fuerit vel aliquid ex hiis que superius est comprehensa non fuerit observatum, licitum sit capitulo dictam hereditatem auctoritate propria recipere et habere.

Facta carta Aurie, xviiº kalendas augusti, era mª cccª xxxª iiiiª. Regnante in Legione et Castella rege domino Fernando. Episcopo en Auria domino Petro.

Qui presentes fuerunt magister Petrus decanus, Petrus Golvan, Martinus Petri archidiaconi, Rodericus Petri thesaurarius, Johanes Iohani, Domenicus Iohani, Petrus Roderici, Petrus Alfonsi, Fernandus Petri, Johanes Pinaria et magister Johanes canonici.

Ego Michael Iohanis canonicus auriensis eiusdemque civitatis cancellarius interfui et scripsi signumque meum apposui.

   (signum)