In nomine sancte et vere Trinitas qui est sanctitas Patris et Filii et Spiritus sancti, Trinitas indivissa qui numquam erit finienda per cuncta evum et in eterna secula seculorum amen. Hecce adcliens indigna et exigua famula Dei Eyloni prolis Beicani tibi pio hac redemtori meo salvator mundi qui me ex nichilo creasti, et in hoc mundo egredere iussisti, diem extremum vite mee nescire fecisti, et verum ab te reverti quacumque ora volueritis. Ideo Domine in honorem monasterii tui sancti Salvatoris et sanctorum apostolorum vel martirum confessorum adque virginum quorum reliquie sancte et venerande dignoscuntur in loco et aula Dei monasterii Cellenove, et vobis patri et domno Pelagius abbate et fratribus vestris ibidem commorantibus et in vita sancta perseverantibus salutem nobis semper eveniat a Domino amen. Ego Eiloni vicem agens filiis meis Alvaroni et Rudesindi quamuis mente et merito indigna ab anime umeris parcendo, suspirando, clamans et petens ut parcas Domine parcas Ihesu et cum misericordia misericorditer que ex nichilo creasti, iudicate in extremo examine clementi vultu respicias, liberes et eripias, et animas ipsorum in Abrahe sinu beatitudine suscipiat, et feliciter habitare permittas. Ecce ego Domine de quo tu vobis et illis peculiare dare dignatus est offero ecclesie tue et monasterii dicione villas pernominatas, id sunt: in Germiati villas quod vocitant Auteiro quos fuit de Argefonso media villa de Sedeges media, et alia de Miro in Todoredi de Abrailli et Guntili medias. Omnia ipsas hereditas medietate vobis de eas concedimus cum omnia bona sua intrinsecus et extrinsecus suis vel ubique illas potueritis invenire quomodo eas nos et ipsis filiis nostris iuri suo obtinuerunt per scripturis valituris et legitimum pretium sive et de ganantia. Sic vobis illas concedimus pro redemptione anime illius et nostre, ut abeant inde servis Dei temporale subsidium, et ipsis filiis meis ante Deum premium inconvulsum, ita ut ex presenti die et deinceps maneat ipsas de iuri nostro abrasas et post parte ipsius monasterii sint translatas atque confirmatas perpetualiter possidenda evo perhenni secula cuncta. Oro et deprecor te sancte Patre eterne omnipotentis Deus, ut per intercessionem omnium sanctorum tuorum ut hunc holocaustum meum rodum et placidum efficiatur in oculis tuis. Et si quis Domine contra hunc factum meum quem ego propriis filiis meis Alvaro et Rudesindo gratanter offero Deo meo infringere presumpserit quisquis ille fuerit porpinquis vel extraneis, vel qualibet generis homo descendant super eum omnes maledictiones que scripte sunt in libro Moysi servi Dei excelsi, et descendat super eum iram Dei et rufeam celi, et cum Iuda Domini traditores pari penas multetur in eterna damnatione. Et pro temporali damno pariet ipsas villas dupladas vel tripladas restituant monasterio sancto, et post parte iudex qui illa terra imperaverit aliut tantum, et hanc seriem testamenti stabilitam, firmam et inrevocabiliter plenam obtineat firmitatis roborem.

Facta series testamenti Vº idus Aprilis. Era C XIII post peracta Milesima.

Ego Eyloni prolis Beicani in hac testamentum quod fieri elegi in redemtionem anime de filiis meis confirmo (signum). //

(1ª columna:) Pelagio Petriz qui tunc prepositus cfr. Iemondo Aredaz et qui et maiorinus cfr. Pelagio Tedoniz et primiclerus cfr. Didacus abba cfr. Iohanne Oduariz cfr. Gunterigus qui et iudex cfr.

(2ª columna:) Menindo Alvariz cfr. Vimara Rudesindiz cfr. Pelaio Rudesindiz cfr. Alvaro Fernandiz cfr. Pelaio Alvariz cfr. Alvaro Pelaiz cfr.

Qui presentes fuerunt: Cidi ts. Amico ts. Badosindo ts. Alio Badosindo ts. Balterio ts.

Seniorinus clericus notuit (signum).