In nomine Domini nostri Ihesu Christi, amen. Ego domnus Christoforus,  monasterii de Antealtaria abbas, vna cum omni eiusdem monasterii monachorum  comuentu (sic) et uox nostra, vobis domno Johanni Marino, militi, omnique uoci  uestre grato animo et bona uoluntate facimus cartam uendicionis de vna VIª integra  de toto illo casale de Ponte de Pias, que VIa est de uoce de Candu. Hanc igitur  nostram supradictam VIam prenominate hereditatis scilicet ex riuo de Oronia usque  ad Taras per illos uidelicet terminos de Candu usque ad ecclesiam Sancti Martini de  Oronia per ubi uidelicet uadunt terminos de Candu que est in concurrencia Sancti  Tirssi; quantum uidelicet pertinet ad istam VIam vobis integra vendimus et libere ac  firmiter concedimus cum omnibus suis directuris et bonis eidem hereditatis pertinentibus,  intus et extra, id est montibus, fontibus, agris, arboribus, casis, casalibus,  (...) et per ubi uadit uox supradicte VIa tam prope quam longe pro precio quod (...)  complacuit , id est solidos D de forte monete Sancti Jacobi cum placabili ro- // -bore  et tam de precio quam de robore nichil remansit apud uos indebito ad soluendum.  Ab hinc igitur habete predictam nostram VIam de iamdicta hereditate que est de  uoce de Cando preter inde decimum ecclesie predicte Sancti Tirssi quod sit suum;  possidete omne uelle uestrum de ea usque in secula seculorum, facite quantumcumque  uidelicet nos in predicto casali habemus et habere debemus et pro nostra  directura uendicare potuerimus.  Siquis ex parte nostra aut ab extranea contra hoc scriptum ad irrumpendum  uenerit quisquis fuerit pectet supradictam hereditatem duplatam et insuper  solidos mille supradicte monete, et hoc scriptum sit semper firmum.

Facto scripto huius uendictionis die XVIIº kalendas junii sub era Mª CCª  Lª VIIIª.

Nos iamdicti in hoc scripto manus nostras roboramus.

Q.p.f.: Ego Christoforus de Antealtaria abbas, conf. Petrus Cachinus de Fagiariis, conf. Johannes Didaci, carpentarius de Campo, conf. Petrus Fernandi,  carpentarius, conf. Johannes Iohannis, conf. Martinus Petriz dictus Infans, conf.  Petrus Cresconiz, prior, conf. Petrus Pelaiz, confirma.

Ego Pelagius Martini, clericus, publicus notarius compostellanus juratus scripsi in ciuitate Sancti Jacobi.