1309, decembro, 22. Lugo
O Cabido de Lugo afóralles a Pedro Pousada e á súa muller toda a herdade
de Chamoso da Foz, na freguesía de San Fiz de Paradela, por renda anual
de cinco terzas de pan, os tres servizos habituais, 40 anguías e un
porco ou 70 soldos.
Sabeam
quantos esta carta virem commo nos cabidoo de Lugo con outorgamento
de don Pay Rodriguez arçidiago de Deza, teente amiistraçon
do mes de febreyro en terra de Farnadeyros, avervamos a vos Pedro
Pousada et a vossa muler Moor Martines por en todos vossos dias
d'ambos, toda a herdade que nos havemos en Chamosso da Foz por razon
da amiistraçon sobredita, sub o signo de San Fiiz de
Paradella, con suas casas et chantados et pesqueyras et caneyro et
perteenças et dereyturas, a tal pleyto conven a saber que vos
lavredes et paredes ben esta herdade sobredita, et a tyredes dunde
iouver mal parada, et façades as casas et as mantenades en boo
stado, et chantedes y das arvores, et dedes cada anno a o amiistrador
deste dito mes çinquo terças de pam en salvo do mellor
que ouver en essa herdade sacada a semente, que seia çeveyra
et millo et orio, as duas partes de temporao et a terça de
serodeo, sacado grando ou geada que se deve a [exirmar] commo he de
dereyto, et tres serviços cada anno segundo que he ussu de
daren os outros serviçaes deste mes sobredito, et quareenta
anguias as dez seeren cabos et as outras coseyras, et un porco boo ou
seseenta soldos por el da moneda blanca del rey don Fernando que ora
corre. Et vos seerdes anparados et deffessos da moneda et d'outro
pidido commo o foren os outros serviçaes do cabidoo de Lugo.
Et a morte do pustrimeyro de vos devedes a leyxar en esta herdade de
poboança, hun boy et huna vaca et çinquo rexellos et
huna porca, et ficar esta herdade livre et quita a o cabidoo de Lugo,
con todos los boos paramentos que y foren feytos.
Et
eu sobredito Pedro Pousada por min et pol-la dita mina muler assy
obligo por min et por todos meus bees de o cunplir. Et nos o cabidoo
sobredito que este foro fosse çerto et o dito Pedro Poussada
rogamos a Affonso Perez, notario publico de Lugo, que fezesse ende
duas cartas tal huna commo a outra.
Feyto
foy esto en Lugo XXII dias de dezembre, era de mill et CCC et XªL
et sete annos.
Presentes
foron: don Martin Eanes, arçidiago de Neyra; don Iohan
Bezerra, iuyz de Lugo; Aras Perez, coygo de Lugo, et outros.
Eu
Affonso Perez, notario sobredito, rogado fuy presente et scrivy esta
carta et puge y meu signal.
SIGNO
