Carta de Maria Petri de Ceruia de hereditate de Ceruia.

Ego Maria Petri de Ceruia et omnis uox mea vobis domno Johanni Tudini, monasterii Sancti Justi abbati, et omni conuentui eiusdem loci sana et incolumis grato animo et spontanea uoluntate facio testamentum et scripturam firmitatis de tota mea hereditate quam habeo et habere debeo in terra Luania in villa dicta Ceruia ut eam habeatis et totam uestram uoluntatem de ea faciatis, et do uobis inpresenti ad populandam eam vnum almalium et X rixellos. Et pro ista hereditate quam do supradicto monasterio do nepotibus meis meam hereditatem de Villa Coua et de Villare et de Barualgos et de Uelias et de Miortos. Et hoc facio pro remedio anime mee et parentum meorum et quia continuistis me ex longo tempore de uicto et uestitu et continetis et ad mortem meam debetis me sepellire in monasterio uestro et pro me orare. Et si aliquis ex meo genere contra hoc meum factum ad contradicendum uenerit sit maledictus et pulsanti uocem regis persoluat solidos CC; et hoc meum testamentum semper in suo robore permaneat.

Ego Maria Petri in hoc testamento quod fieri iussi manus meas roboro.

Facto testamento sub era I^a CC^a LX^a VIII^a et quotum XII kalendas septembris.

Q. p. f.: Johannes Tudini, abbas, conf. Petrus Caluus, monachus et portarius, conf. Petrus Affonsus Affonsus de Ceruia, conf. Petrus Batalia, cellararius maior et sacrista, conf. Petrus Sarraceni, conf. Martinus Ordonii, sutor, conf. Et alii multi qui uiderunt et audierunt.

Martinus Iohannis, notarius de Ualeyrom juratus, scripsit et conf.