Carta de Garsia Anays, miles, de hereditate de Esteyro.

Sub era M^a CC^a XL^a VI^a et quotum XVIII kalendas septembris. Ego Garsia Anaie, miles, et omnis uox mea facio pactum et placitum in solidos M roboratum vobis domno Petro monasterii Sancti Iusti et priori Iohanni Tudini omnique conuentui eiusdem loci et omni uoci uestre de tota hereditate quam uos habetis in valle de Hesteyro, que fuit de germano meo Martino Anaye sub aula Sancte Marine de Hesteyro, quam hereditatem tenet de uobis germanus meus Rodericus Anaie in uita sua; et uos datis eam modo mihi tali pacto ut quando ipse Rodericus Anaie de hoc mundo migrauerit uel uitam suam mutauerit ego Garsia Anaie intrem in illam eamque in uita mea teneam et ad mortem meam liberam et paccatam monasterio uestro relinquam. Et pro hoc et pro remedio anime do et concedo ego Ga<r>sia Anaie vobis et monasterio uestro in ipso valle de Hesteyro quartam integram de villa Rouoredo quam ganaui ego de germano meo Roderico Anaie et ipse ganauit eam de rege, et etiam do uobis in villare de Leston unum seruicialem populatum et quantum ego ibi habeo de auolentia et de ganantia. Et istas hereditates quas ego uobis do habeo ego tenere in uita mea et ad mortem meam cum ipsa uestra predicta liberas et paccatis uobis dimittere, et uos nunquam eas detis in loco unde filiis meis male eueniat, sed totus fructus inde ad monasterium ueniat et ego promitto vobis me esse fratrem et familiarem bonum et fidelem in omnibus et ad mortem meam meum corpus monasterio uestro sepulture mandare, et uos faciatis pro me sicut pro uno fratre et ubicumque ego obiero uos pro me oretis et in uestro monasterio sepeliatis si in hoc regno obiero (...) non compleuerit uel in aliquo deuiauerit pariat quod sursum resonat.

Ego Rodericus Anaie in hoc placito quod fieri iussi manus meas.

Q. p. f.: Johannes Remundici, conf. Johannes, presbiter de Taliar, conf.  Johannes Testa, conf. Pelagius Carnota, ts. Calciatus, ts. Petrus Paradisus, conf.

Dominicus, presbiter, qui notuit et conf.