Carta Sebastiani Dominici de Varees de sua hereditate de Carnota et de villa Caneda.

In nomine Domini, amen. Notum sit omnibus quod ego Sebastianus Dominici de Verees in terra de Nemancis et omnis uox mea grato animo et spontanea uoluntate do et dono inter uiuos et firmiter concedo vobis domno Johanni Petri, abbati monasterii de Togis Outis, nomine ipsius monasterii, quantam hereditatem ego habeo et habere debeo tam de auolencia quam de ganancia in terra de Carnota, videlicet in villa de Caneda in filigresia Sancti Mametis de Carnota. Hanc igitur supradictam hereditatem dictum monasterium Sancti Justi integre habeat et pacifice possideat cum omnibus iuribus et directuris suis ad eam pertinentibus per suos terminos et diuisiones antiquas ubicumque fuerint ita quod omne uelle suum de eis imperpetuum faciat. Siquis igitur contra hanc dationem et donationem meam ad irrumpendum uenerit quisquis fuerit pectet dicto monasterio solidos CCC fortis monete; datione et donatione nichilominus in suo robore permanentibus.

Facta carta XIIII kalendas julii, sub era M^a CC^a LXXX^a.

Ego jamdictus in hac carta manus meas.

Q. p. f.: Domnus Sebastianus, abbas de Camancio, et monachi eius Petrus Petri et Sebastianus Pelagii. Suerius Petri de Miicio. Petrus Uitalis de Parapar, clericus.  Johannes Pelagii Baluguinus, clericus cori Beati Jacobi.

Ego Petrus Didaci, notarius compostellanus juratus, interfui et conf. et de mandato meo infrascriptus Petrus Iohannis scripsit. Ego Petrus Iohannis de mandato

Petri Didaci, notarii concilii compostellani jurati, interfui et scripsi.