Carta de Pegarinos et de Ribeyro.

In Dei nomine. Ego Pelagius Muniz et uxor mea Maria Pelagiz et filii nostri // vobis domno abbati Petro monasterii Sancti Justi et ceteris fratribus eiusdem monasterii, placuit nobis et nostra est uoluntas ut pro Dei amore et sancte Marie uirginis et omnium sanctorum in remissione peccatorum nostrorum facimus kartam testamenti de hereditate nostra propria quam habemus in territorio Amaye sub aula Sancti Felicis de Briom et Sancti Thome de Oyames, sub monte Custodia, in villis prenominatis in Ribeyro et in Pegarinis. Damus uobis atque concedimus pro animabus nostris et parentum nostrorum quartam partem integram de tota hereditate quam habemus in supradictis villis cum omnibus suis directuris et exitibus per suos terminos antiquos cum cunctis edifficiis suis et plantationibus ex tota hereditate quam hodie habemus tam de auolencia quam de ganancia in ipsis villis, et faciatis ex illa, et cetera, et nos partices simus orationum uestrarum. Et si ego Pelagius in salute mea ad uos uenire uoluero, et cetera, et si ipsi filii mei sine semine transierint relinquant uobis aliam hereditatem pro suis et nostris animabus. Sed si aliquis homo ex parte nostra uel extranea, et cetera, quisquis fuerit pariat uobis ipsam hereditatem duplatam et pro ausu temeritas solidos CC^os; et hac carta semper in suo robore permanente.

Facta carta testamenti era Ia CC^a XI^a et quotum XI kalendas februarii.

Nos supranominati in hoc testamento manus nostras.

Q. p. f.: Petrus, ts. Pelagius, ts. Arias, ts. Froyla, ts. Johannes, conf. Aloytus, conf. Martinus Cresconii, conf. Fernandus, presbiter, conf. Petrus, presbiter, conf.

Ego Pelagius Muniz feci cum manu mea hoc signum.

Munio quod scripsit uersum pro robore finxit.