Carta de Eldoncia Petri de vna larea in Ceruia.

In nomine Domini nostri Ihesu Christi. Notum sit omnibus quod ego Eldoncia Petri et omnis uox mea vobis soprino meo domno Petro Gasco omnique uoci uestre grato animo et spontanea uoluntate do vobis et firmiter concedo vnam leyram de terra que habeo in Ceruia, que leyra iacet inter senara ex una parte et riuulo ex altera. Et ista predicta larea que uobis do est una tirada siue sacada que ego tiraui et saccaui de fraga et de mato; hanc igitur predictam leyram uos et uox uestra integre habeatis et pacifice, ita quod omne uelle uestrum de ea imperpetuum faciatis. Et istam predictam leyram do eam uobis pro amore Dei et pro amore et consanguinitate que uobiscum habeo et pro multo bono quod mihi fecistis et que uos datis mihi parti in orationibus uestris. Siquis igitur contra hanc donacionem meam ad irrumpendum uenerit quisquis fuerit pectet uobis uel uoci uestre solidos C fortis monete; kartula et donacione nichilominus in suo robore permanentibus.
Facta carta donacionis et concessionis idus maii sub era M^a CC^a LXX^a I^a.

Q. p. f.: Domnus Petrus Batalius, monachus Sancti Justi, ts. Johannes Pelagii de Ceruia. Petrus Alfonsi de Ceruia, ts. Petrus Alberti, ts. Petrus Ordonii de Villari, ts. Johannes Petri de Ceruia. Johannes Petri de Pastoriza, ts. Martinus Fernandi de Besezo, ts. Petrus Petri do Madeyro, ts.

Ego Didacus Iohannis, notarius concilii Noye juratus, scripsi.