Notum sit omnibus qui istam cartam viderint, quod nos Heimericus abbas et conuentus de Meyra, damus ad forum iure hereditario in perpetuum valiturum uobis, scilicet Iohanni Fernandis, et Iohanni Micheli, et Roderico Sugerii, et Saluatori Petri, et Fernando Petri, et Pellagio Petri, generatio Pelagii; et Garsie Sugerii, et Pellagio Martini, fillio Martin Pelagi de Ecclesia, cum fratribus suis; et Roderico Martini cum fratribus suis, et Martino Petri Topete, et Petro Martini, et Petro Iohannis militi, et fillio Petri Scudeyro, et omni generationi vestre, scilicet: Bus de Rey cum suis terminis, et quantum habere debemus in Marfuli, et in Sandi, et in Lordoman, per hoos terminos, scilicet, per portum de Riuo Sico, et quomodo descendit ipsa aqua ad portum Sancti Andree, et miscetur aqua de Pipin, et exit per ipsam aquam ad saxum super positum de Idral, et per aquam de Idral quomodo exit recte ad petram de Petris Nigris, et per caput de Riuo Frontino, tali pacto: Quod detis inde uso et generatio vestra, annuatim, nobis et nostris suscessoribus, unusquisque vestrorum quatuor solidos pro foro et unum solidum pro vita, medietatem pro festo Sancti Martini et aliam medietatem pro festo Pasce; et per hoc debetis esse liberi et quiti de tota fasenderia et de tota alia voce, excepta uoce regia, de qua facta prius conuencione cum homine Regis, uel si abbas et conuentus dicti monasterii aliquis uobis petuerint pro neccessitate. Et debemus nos abbas et conuentus habere duas partes, et alcaldes et concilium tertiam. Et si aliquis ex uicinis voluerit aliquem secum recipere in suam placeam ad commorandum, sit liber et quitus per istud forum predictum. Et nos iam dicti populatores adunamus et ponimus quantum habebamus et habere debebamus in Ingligoa et in Villabona et in alii locis supradictis, infra predictos terminos, con istis hereditatibus supradictis, quas nobis uso datis abbas et conuentus; et promitimus facere istud forum predictum annuatim abbati et conuentui predicti monasterii, pro omnibus hereditatibus supradictis. Preterea, debent esse omnes qui in predictis locis commorati fuerint, vassalli boni et fidelles abbatis et monasterii, et monasterium debet eos deffendere secundum posse ad directum. Et debent etiam esse pascua communia et ligna hominibus commorantibus in predictis villaribus. Et si aliquis voluerit vendere suam placeam, inuitet primitus monasterium et si voluerit emere, emat, aliter det licentiam volenti vendere; et ille qui vendit uel vendiderit uel dederit, vendat uel det illi persone que faciat forum supradictum; et si aliter venditio uel donatio facta fuerit, nullius sit ualoris uel momenti, et sit vasallus predicti monasterii. Et sciendum, quod nullus istorum populatorum uel generatio eorum debet viuere cum milite uel scutifero uel cum aliquo potente homine, uel mittere eis filios uel filias; et si aliquis oppositum fecerit, perdat suam placeam et quicquid in ea factum habuerit. Et si aliquis reliquerit suam placeam, quocumque modo, expectetur per unum annum et concilium faciat forum pro eo monasterio per suam placeam; et si non venerit, concilium populent placeam; et si distordauerit et non populauerit, abbas et monasterium ponat ibi populatorem qui soluat forum per totum, sicut dictum est. Et sciendum, quod isti populatores, una cum concilio de Lacuna, debent eligere septem homines bonos annuatim de utroque concilio, de quibus abbas, uel cui ipse iusserit faciat duos alcaldes et unum iudicem et quatuor iuratos, qui omnes isti debent esse communes utroque populancie; tamen debet esse unus alcaldis de concilio de Marfuli semper. Qui alcaldes et iudez debent esse quiti de predicto foro, dum vices tenuerit. Et si aliquis istorum populatorum fecerit homicidium, pro deffensione ipsius populancie uel vicini sui, contra aliquem qui non sit de villa, non pectet eum; et si aliter eum fecerit, adueniat se cum abbate et monasterio. Sy autem concilium distordauerit in electione istorum septem hominum, abbas, qui fuerit pro tempore, debet eligere quos voluerit et facere de eis sicut dictum est. Et alcaldes debent tirare istud forum predictum annuatim et dare illud in pace abbati uel cui ipse iusserit, quod si non fecerint, ipso facto perdant officia et soluant cum aliis. Nos autem abbas et conuentus, reseruamus nobis unum domum et unam placeam de istis predictis in Bus de Rey. Et sciendum, quod nulus populatorum debet incautare uel alienare istas hereditates predictas monasterio predicto, uel facere vandum contra vicinum cum aliquo aliquo modo nisi de consensu abbatis, et si aliter fecerit que non valeat et perdat placeam suam. Preterea, predicti alcaldes debent populare et procurare omnia que ibi pertinent ad monasterium bene et fideliter sicut dictum est. Debent autem alcaldes istud forum custodire et illud, quando necesse fuerit, abbati et concilio demostrare. Et ut hoc sit firmatum et stabilem fecimus inde fieri cartam inter nos per alphabetum diuisam, sub era millesima trecentesima, et tertio decimo Kalendas Iulli. Regnante dompno Aldefonos in Castella et in Legione. Filio eius dompno Aldeffonso. Tenente episcopato Mindoniense dompno Munione. Qui presentes fuerunt: Petrus Iohannis, iudex Castri Regis, testes; et Iohannis Petri et Petrus Dominici, de ipsa villa, testes. Petrus Martini, miles, de Sancta Leocadia. Lupus Velasci de Concilio. Iohannis Martini de Ryobono. Petrus Dominici et Iohannis Dominici de Sancta Leocadia. Iohannes Facundi. Pelagius Petri de Canto. Et ego Michae Iohannis, notarius publicus Castri Regis, de mandato utrarumque partium notaui et scripsi. Et ego frater Alfonsus, notarius, scripsi.