In Dei nomine. Ego Daildo et uxor mea Teodilo, una cum filiis meis vobis abbati domni Aloiti, salutem nobis a Domino eniat amen. Denique placuit enim nobis et spontanea nostra volumtate accessit qualiter faceremus vobis iam superius nominatis domni Aloiti abbati, sicut et facimus cartula firmitatis de hereditates nostras proprias que habuimus de avorum et parentorum nostrorum etiam et de ganato et comparato seu et de fundato vel de contramutato, una villa in Domenzi et alia in Sanbatis; damus vobis in ambas ipsas domos cum eorum utensilia et vasa vel perfia in terris, cupos, cupas, lectos, strados, mensas, torculares, terris, vineis, pomiferis, saltis, devesis, arbores fructuosas vel infructuosas, terras, arbores, petras mobiles vel inmobiles, aquas cursiles vel incursiles, pratis, pascuis, paludibus, exitus montium, accessu vel regressu, aquis aquarum cum eductibus et prestationibus suis quomodo divident // ambas ipsas villas de terminis in terminis et quomodo nos eas iuri nostro iuri quieto obtinuimus sic omnia vobis concedimus et inrevocabiliter ad perhabendum et perpetum ad possidendum ut demus vobis pannis singulis ad area et ad lagare tercia integra, tam de pane quam de bibere quam et omnes [felegreses] que domnus in ambas ipsas villas dedit ipsa tercia vobis reddamus. Super hoc precium et definicione ut si filios abuerimus in que nos vita vixerimus obtineamus ipsas villas iuri quieto et parciamus vobiscum. Et post obitum vero nostrum sedeant ipsas villas filios nostros laborent et parciant vobiscum et faciant vobis veram obedientam et fidelem servicium, et vos illis faciatis bonum et habeant de vos moderatione et in verbo et in facto. Damus vobis ambas ipsas villas pro intentio quod nobiscum abuerunt saiones de Rex domnus Adefonsus et de comes Ruderico Hordoniz que omnem terram Limie iuri suo obtinebat, et Gunderigo Dadilaz cum eos pro peccato inpendiente quod nobis evenit et rausavimus filia de ipse Gunderigo et postea calumniaverunt nos pro tale actio, et devenerunt nobiscum proinde ad veritate in concilio monasterii Cellenove in presentia iudices, vos iamdicti domni Aloiti abbati et preposito Guttier Nuniz et Ero Sarraciniz, et hordinabit nobis lex gotica et ipsos iudices ut pariassemus ipsum rausum quod feceramus. Et non habuimus unde ipsum parium pariare, et pro vestra mercede dedistis ganatum de monasterium Cellenove de reposte domniga, et pariastis pro nos et eiecistis nos de illorum manuum et de suo ligamine. Et dedimus \vobis pro\ ipsum ganatum ipsa villa de Domenzi et obtinuistis ea iuri quieto post parte monasterii Cellenove, in quo ibi abbate fuistis. Et vos exeunte de ipso monasterio et transmutato fuistis in alio locare et ad alio monasterio Sancti Petri et dimistis ipsum monasterium iamdictum Cellenove. Et peccato nobis inpendiente presumimus ipsa villa Domenzi et tulivimus ea de iuri monasterio et plegavimus iuri nostro extra veritate. Dum domnus omnia intelexit et (...)¹ quod esse bonum, et ait: Venistis ad ipsum monasterium ad corrigendum, ad salvandum, ad moderandum, ad benefaciendum ad oves Dei qui iam disperse erant. Et quisistis debitum et veritatem de per omnia dicto monasterio Cellenove, et invenistis supernos ipsa villa de Nuzeti quod presumeramus de iuri monasterio. Et dedistis vobiscum inde ad veritate in concilio monasterii Cellenove in presentia iudice et preposito Ziti Donon, et hordinavit vobis lex gotica et veritate ut duplassemus vobis ipsa villa. Et dum talia vidimus et aures audivimus et non habuimus unde omnia ipsa villa componere per lege, fabulavimus ad homines idoneos qui fabularunt vobis ad misericordia et vos pro misericordia et pro vestra mercede vidistis et intellexistis lacrimis et suspiriis vestris et posuistis aurem ad audiendum, et cor ad intelligendum et dimistis nobis ipsam calumniam de ipsam villam quod abebamus ad duplare super hoc pretestum et verbum certissum, ut tam nos supranominatos tam filiis et neptis nostris laboremus ambas ipsas villas et parciamus vobiscum sicut iam desursum resonat IIIª ad area et ad lagare, ita ut ab hodierno die et deinceps maneant ambas ipsas villas de iuri nostro abrasas et iuri vel dominio vestro sint traditas atque confirmatas. Si quis tamen, quod fieri non credimus et fieri nullatenus opportet, ut aliquis homo contra hanc cartula firmitatis ad inrumpendum venerit vel venerimus, tam nos tam filiis et neptis et consanguineis seu de posteritati nostre vel quacumque potestas, quisquis ille fuerit qui vos proinde inquietare vel calumniare vel presumere voluerit, tunc pactet vel pariet vobis ipsas villas duplatas vel triplatas vel quantum ad vos fuerint melioratas, et vobis perpetim habituras et hanc cartulam in perpetuum perpetuam obtineant firmitatis roborem.

Facta cartula firmitatis IIIº Idus Maii. Era MªLXª.

Daildo et uxor mea, una cum filiis nostris in hanc cartulam firmitatis manus nostras roboravimus.

Qui presentes fuerunt: Sando Sandiniz ts. / Menindo Gudilazi ts. Miro Citiz ts. Aloito ts.

—

¹ +- 6.