O rei Ramiro III ordénalle a un grupo de ducibus vel proceres palacii
que se encarguen de delimitar correctamente a villa de Baroncelli, que
enfrontaba ó bispo Rosendo cos habitantes de Vilazá, Albarellos e Santa
María.
Christus. Discurrente Era DCCCC LXXX VIII, tempore gloriossimi et Deo fidelissimi Ranemiri regis, horta est intemtio pro terminis et limitibus de villa sancto Felice quod superadito vocabulo dicitur Baroncelli inter Rudesindum episcopum et homines habitantes in villabus prenominatis ab occiduis partibus Villaza et Alvarelios, et a parte orientis villam quam inquiunt sancta Maria. Sane nulli dubium est ipsam predictam villam Baroncelli accepisse eam episcopus memoratus per commutationem a predicto principe cum alia quam dicunt Atanes ambas per eorundem antiquiores terminos, sive et cum aliis adiacentis ad ipsam villam Baroncelli deservientibus pro qua dedit alia in terra deforis quam dicimus Turgia per suos terminos antiquos. Cumque hanc villam Baroncelli inter predictas villas esse et vel est consistens in medium et homines predictarum villarum de suis terminis et limitibus presumpserit, usurparent atque exfructarent, fecit petitionem memoratus episcopus redicto principi ut daret de palatio previsores veridicos qui previderent vel determinarent ipsas villas secundum fuerant ab antiquis comprehensas, decoriatas atque possessas. Venerunt ibidem ex ducibus vel proceres palatii, Nepotianus, Hermegildi et Atanagildus Astruari, Didacus oriensis episcopus, sive comes Rudericus Guttiherri et Osorius Guttiherriz vel aliorum bonorum hominum non modica multitudine, et que veritate viderunt hoc et firmarunt quod et nunc voce expressi sunt Deo favente ut est ita. Nos quidem supradicti previsores ac duces ascendimus prius in monte per signas ubi stat saxum magnum et album aspitientes que deorsum reperimus duas petrarum cumgeries dividentes inter sanctum Felicem et Alvarelios, et inde gradientes per duos aggeres terre invenimus contra Alvarelios mulionem in carraria fictum et contra partem sancti Felicis duas columnas ex quibus una incisa videtur ob signum terminationis, deinde pergentes provius per aggeres terre in directo per Zaccoys invenimus archam lapideam, et inde ad aliam archam sic lapideam qui dividet inter Vilazam et Baronzelli, deinde in directo invenimus petram alviatam fictam pro termino et inde ad aliam archam petrineam prope rivulo Malage, ubi cessavit terminum pergere ut ceperat in directo. Tornavimus in prono pro litore rivuli supradicti invenimus // aliam archam petrineam non longe a loco in quo ipsi duo rivi Tamega et Malage in unum confluunt alveum. Transivimus Tamega invenimus iuxta Keizanes archam lapideam pergentes indes ad partes sancte Marie, invenimus aliam sic lapideam archam et gradientes pro liniolo et muliones fictos invenimus in lapidem scrubtos burgarios, et iterum transivimus ipso rivuli Tamegi precedentes signas et invenimus aliam petram iuxta carrariam fictam. Ascendimus sursum in directo et invenimus archam terreniam et iuxta eam aliam petram fictam. Et inde per aggeres terre iam prope castro invenimus in alia petra burgarios sculbtos et dum pervenimus ad ipsum castrum invenimus coniesta et duos nativos lapides albiatos, et sic perrexit ipse ager per evidentes signas usque in cacumine montis unde prius terminum incoavimus et conclusimus terminum de villa sancti Felicis et Baroncelli per supradictas signas et magnificas archas. Tornavimus pronius iuxta memoratum castrum de parte sancti Felicis investigantes quasi pro termino. Invenimus alia signa termini infra principuum quod deforis fuerat inventum, et descendentes iam prope carrariam reperimus in duas petras nativas duos sculptos et guadiatos burgarios. Et iterum transivimus Tamega venimus per signas et patronos fictos usque ad priorem et principuum terminum modicam particulam de concluso termino sequestrante. Quos convenientia memorati episcopi per medium hordinavit, dividere inter villam sancti Felicis et sancte Marie. His peractis venimus ad villam quam inquiunt Atanes ubi homines ipsi episcopo similem iniustitiam faciebant, et ascendimus in monte precedentes signas et decorias que est inter Balderici et Paratella usque in vertice monties que vocitant Meta ubi reperimus archam opere miro constructam, et gradientes per ipsius montis cacumina precedentem aggerem terre inter Laza et Balderici, invenimus ad partem occidentis aliam archam petrineam, et descendentes per ipsum aggerem ad rivulum qui de Lamas Balderici discurret. Item invenimus aggerem terre pro termino constitutum per quem pervenimus ad patronum conscriptum, qui stat inter ipsum montem Balderici et villas quas vocitant Scornaboves et facto signo tornavimus per aggerem terre adividente per ipsum montem ad partem de ipsa villa Atanes, invenimus duas archas lapideas et precedente aggere terre venimus ad archas terrineas et in sumo petras plantatas et per signa et decorias archas et muliones descendimus in prono iamdictas Scornaboves et ipsa villa Atanes usque in terminos qui divident inter iamfata villa Atanes et Kenderedi. Et conclusimus ipsos terminos precedentes signas et notas desuper memoratas de iamdicta villa Atanes. In ipso loco nos denique iam desuper memorati quod hor\di\nante principe nos in veritate reperimus et scribere studuimus, et subter valido roboris confirmare decrevimus perpetuam obtineat firmitatem.
Facta scriptura agnitionis nostre determinationis ipsius ydus Iunii. Era D CCCC LXXXVIII.
Ranemirus nutu divino Rex hanc previsionem clementie nostre delatam atque confirmatam (signum). Hurracca regina cfr (signum).- Hordonius prolis regis (signum).- Santius sic prolis regis (signum).- Suarius Guttiherrici (signum).
(1ª columna:) Rudericus Gutterici cfr.- Pelagius Tetoniz cfr.- Munnius Sandiniz cfr.- Pelagius Gundisalviz cfr.- Menendus Ruderici cfr.
(2ª columna:) Nepotianus Hermegildi quod previdi cfr (signum).- Atanagildus Astruari quod previdi cfr.- Sub Christi nomine Hermegildus episcopus cfr (signum).- Sub Christi nomine Didacus episcopus quod previdi cfr (signum).- Sub Christi nomine Fortis episcopus cfr (signum).- Sub Christi nomine Gundisalvus episcopus cfr (signum).- Sub Christi nomine Fortis episcopus cfr (signum).- Sub Christi nomine Viliulfus episcopus cfr (signum).
(3ª columna:) Sisnandus diaconus Menendi maiordomus cfr.- Nunnus Piniolizi mayordomus cfr.- Furtunius Garseani cfr.- Ovecco Nepotiani cfr.- Rapinatus Ybenconaza cfr.- Rudericus Velascozi cfr.- Ennicus Ordonizi cfr.- Hordonius Gundesindiz cfr.- Gundesindus Froylani cfr.
(4ª columna:) Vistrarius Mentarius cfr.- Sigeredus Scarici cfr.- Hermegildus [cfr].- Hermiarius Froylaiz cfr.
Hordonius princeps hanc previsionem a genitore nostro factam cfr (sigum). Hordonius prolis Adefonsi regi cfr (signum).
