Placitum Petrus Didaci de Lees de pane in Lees et de denarios in ecclesie de Fonte Caada.

Era M^a CCC^a V^a et quotum IIII^o kalendas aprilis. Notum sit omnibus quod ego Petrus Didaci, clericus ecclesie Sancti Pelagii de Leens, pro me et pro omni uoce et parte mea vobis Sancio Iohannis, abbati monasterii Sancti Justi de Tribulis Altis, nomine et uoce ipsius monasterii, do et dono et firmiter ac libere concedo quinque taleygas de pane quas habeo et ad me pertinent pro renda juris patronatus annuatim in ecclesia supradicta in uoce que uocatur Alfonsi Perne, quam rendam mihi dedit Marina Alfonsi, filia quondam domni Alfonsi Petri. Do etiam et concedo uobis nomine monasterii ante dicti XXI denarios quos habeo et ad me pertinent pro renda annuatim ratione iuris patronatus in ecclesia Sancti Martini de Fonte Caada, quam donationem uobis facio et concedo pro anima mea et parentum et debitorum meorum quam rendam retineo mihi, et cetera.

Huius rei testes: Domnus Johannes Petri, abbas de Aziuario. Martinus Iohannis, monachus eiusdem. Petrus Nuniz, monachus Sancti Claudii. Et alii multi.

Ego Fernandus Iohannis, notarius compostellanus, et cetera. Et ego Johannes Petri de mandato Fernandi Iohannis, et cetera.