In nomine Domini nostri Ihesu Christi. Ego Menendus Pelagiz et uxor mea Guntina, facimus textum scripture ad eclesie sancte Marie // monasterii Riparia de hereditate mea propria que habuimus de avolengo et parentela in ipsa villa Riparia. Damus ibidem in ipsa iamdicta villa uno kasare ad domus Domini et monasterii supradicti et omnes ibi commorantes pro remedium anime nostre, et pro remedium anime filiis nostris Gundisalvi, qui ibi tenet humatum in ipso supradicto monasterio levat se ipso kasare de illos dextros de Sancto Salvatore, et feret usque in illa eclesia de Sancto Ieorgio, et de una parte circa illa de monasterio. Damus ipso kasare cum omnia sua prestantia ab integro, per ubi illo nos obtinuimus iuri nostro qui ego sic concedimus eum post monasterii iamdicti, et omnes ibi commorantes et in vita sancta perseverantes, pro remedium anime iamdicti filii nostri Gundesalvi, sive et pro nostre memorie sicut superius resonat ut hii habeant inde in supradicto loco sancte Marie et monasterii Riparia, subsidium et lucrum, et nos proinde ante Deum cum filio nostro remuneratio mercis ante Deum. Ita ut hab hodierno die et tempore sedeat ipse casare cum omnia bona sua de iure nostro abrasa, et post parte sancte Marie monasterio suprataxato sit translato atque confirmato, habeant illo ibi iuri quieto et possideant eum usque in sempiternum. Si quis tamen, quod fieri non credimus, aliqua forma hominis, contra hanc cartula testamenti ad inrumpendum venerit, aut inmutilare quesierit, quisquis ille fuerit pariet ipso casare duplato vel triplato post parte eclesie et monasterio supradicto, et hec factum nostrum in cunctis regnum et temporum habeat stabilitatis firmamentum.

Facta kartula testamenti VIIIº Kalendas Februarii, Era MªLXXªVIIIª.

Ego Menindo cum uxore Guntina in hanc cartula testamenti manus nostras roboramus (signum).

Qui presentes fuerunt: Dalnila ts. Salamiro ts. Martino ts. Sando ts.