Christus. Nos homines qui sumus habitantes in villa Zacoys. Id sumus prenominati, Hordonio, Veremudo, Habze, Abdella et Timimi, vobis domni Manillani abbati et domni Didaci et fratrum vestrorum monasterio Cellenove. Plerisque manet cognitum quod obtinuimus quandam partem villule sancti Felicis iuri nostro de dato pontificis domni Rudesindi episcipi beate memorie quod nobis dederat ad stipendium usufructuario. Et peccato nobis inpediente misimus illam in contemptionem ad fratrem vestrum frater Oduario qui ipsam deganeam sancti Felicis obtinebat pro que pervenimus in ipsam villam in presentia iudicum, Froyla Monniiz, Abraham abba, Pelagius Aspasandiz, Oduario Tetoniz, Gemondo Froylaiz, Alfidio Gulderes, Pelagius Tructesendiz, Fagildus confesus, Hoduario confesus, Vimara Froylaiz, et aliorum multorum filii benenatorum turba non modica qui ipsos terminos perviderunt secundum in vestra divisione resonat. Et cuncti dixerunt quia vestra est veritas. Proinde causatus fuit nobis mandator vester nomine Salvator et roboravimus manifestum et placitum ut fuissemus ad legem, et quod nobis ordinasset adimplessemus. Obinde agnovimus nos in veritate et adsignavimus vobis in vestra villa per textum scripture placiti et per saionem nomine Gudesteo, et fecimus vobis ligali placiti ut si in quacumque tempus, an nos an filii, neptis vel bisneptis nostris vobis aut fratribus vestris qui ipsam deganeam contenuerint aliquam calumpniam in ipsam villam vobis inferre voluerint pro ipsis terminis sicut in istam divisionem resonat, quomodo pariemus vel tam nos quam qui hoc ausus fuerit infringere ipsam villam duplatam et insuper per singula capita XX XX boves.

Notum die Vº ydus Magii. Era XXV post Millesima.

Hordonius in hoc placitum manu mea (signum). Veremudo manu mea (signum). Habze manu mea (signum). Abdella manu mea (signum). Timimi manu mea (signum).

Qui presentes fuerunt: Didacus presbiter. Crizila presbiter. Timimi presbiter. Melhe presbiter. Gudesteo presbiter. Novidius presbiter. Teodemirus diaconus. Geodesindus Pepizi. Froyani Gaudio. Berosindus Iohanniz. Ero Audinizi. Azo Vimarizi. Fonso Sunilla et alii plures.

In iuditio Froyla Nunniz, Pelagio Aspasandizi et aliorum iudicum apetione Salvator qui asseret in voce Domini Salvatoris et de Manillani abbatis et fratribus Cellenove contra istum Ordonium qui voce intendit sua et de suos heredes, nominibus Veremudo , Abze, Abdella, Temimi. Manifestus sum ego Ordonio verum est quod negare non valeo quia abeo quintam de ipsa villa Sancto Felice per ubi eam designavimus ad predictos iudices et que abeo manifestum et ad manifestum nichil abeo que apponere. Hordonio in hoc meum manifestum manu mea (signum).

Salvator et Hordonio tibi saioni nostro Gudesteo per hunc nostrum placitum tibi compromittimus ut presentemus nostras personas ista IIIIª feria in presentia iudicis Abrahame abba proad lege pro quinta de ipsa villa, et quod nobis lex iusserit adimpleamus. Et qui unus ex nobis hunc placitum excesserit pariet de quo agitur in duplum. Salvator et Ordonio in hoc placitum manus nostras (signum).

Salvator qui voce intendit de fratribus Cellenove et Ordonio qui voce intendit sua et de suos heredes tibi saioni nostro Gudesteo per hunc nostrum placitum tibi compromittimus ut presentemus nostras personas et testimonias in presentia iudicis Froyla Nunnizi die ista Vª feria hic in ad Sanctum Christophalum ad Malage, et firme ego Salvator quia ipsas quattuor rationes de ipsa villa Sancto Felice per ubi eam designavimus iste Ordonio et suos heredes tollerunt ad ipsos fratres de eas iure, et abent illas contra se. Et ego Ordonio mea persona et meas testimonias quia ipsas quattuor rationes nec eas presumsi neque ego neque meos heredes vel voce intendo, neque illas abemus contra nos // et qui hunc placitum exierit pariet ipsa villa in duplum et insuper Cm solidos. Salvator et Ordonio in hoc placitum manus nostras (signum), exceptis illa quinta unde manifestum roboravi.

Hordonio ad persona mea et heredum meorum nominibus Veremudo, Abze, Abdella et Tamimi tibi saioni nostro Gudesteo per hunc placitum nostrum adimplendo tibi compromittimus quomodo adsignemus tibi ipsam villam cum omnia sua per terminos suos et locis antiquis ab integro sicut in illa divisione resonat, quam frater Fagildo et frater Oduario in concilio presentant, die ista IIIIª feria, quod est Vº ydus Magii, Era Millesima XXV. Et tu in manu Salvatoris qui vocem fratrum obtinet sicut veritas et lex gotica docet, et si minime fecerimus et de nostro placito excesserimus quomodo duplemus tibi ipsam villam, et insuper pariemus per singula capita XX XX boves.

Nos superius nominati in hoc placitum manus nostras (signum).