Carta de Maria Gudestey et de viro suo Pelagius Didaci et de Didaco Abbade de hereditate de Ceruia que dicitur Costeela.

In nomine Domini nostri Ihesu Christi. Ego Maria Gudesteyci de Carrazido cum uiro meo Pelagius Didaci dictus Uelius et filio meo Petrus Pelaiz et omnis uox nostra, et ego Didacus Petri dictus Abas et omnis uox mea tibi Johanni Petri, abba Sancti Justi de Togis Altis, omnique uoci conuentui eiusdem monasterii facimus kartam vendicionis et scripturam firmitatis imperpetuum ualituram in XL VIIIo solidis legionensis monete roboratum de nostra propia hereditate quam ego predicta Marina Gudesteici habeo ex parte auorum meorum et ex parte matris mee Troilli Pelagii et de mea propria hereditate quam ego Didacus Petri dictus Abas habeo de ganancia, et habemus ista hereditate in territorio de Pistomarchis subtus montis Culou et Kaual Sicco discurrente riuulo Traua concurrente ad aulam Sancte Eulalie de Villa Coua in villa nominata scilicet Ceruia in loco nominato Costela; et est illa hereditas quam uobis uendimus. Ego Maria Gudesteyci cum uiro meo et cum filio meo vendimus uobis et firmiter concedimus tres quartas integras de una quinta, et ego Didacus Petri uendo ibi uobis medietatem integram de ipsa alia quarta de ipsa Va; et uenit tota ipsa hereditas de uoce de illos homines quos uocitant Coras. Ista predicta hereditate leto animo et bona uoluntate vendimus eam uobis et firmiter concedimus cum totis suis directuris intus et extra eidem pertinentibus pro precio quod nobis et uobis satis complacuit, videlicet solidos XXIIII legionensis, pro precio et pro robore, et de precio et de robore nichil remansit indebito. Siquis ex parte nostra uel extranea contra hanc kartulam vendicionis uenerit uel uenerimus quisquis ille sit pariat penam h<u>ius carte superius scripta; carta nichilominus in robore permanente.

Ego jamdicta Maria Godesteyci una cum uiro meo Pelagius Didaci et cum filio meo Petrus Pelagii et omnis uox nostra et ego Didacus Petri dictus Abas et omnis uox mea in hanc kartam uendicionis et concessionis manibus nostris roboramus.

Facta carta uendicionis et concessionis sub era M^a CC^a LXX^a VII^a et quotum IIII kalendas nouenbris.

Q. p. f.: Didacus, iudex Noye, conf. Julianus Petri, iusticiarius, conf.  Johannes Petri, filius Petri de Guyandi, ts. Johannes Romanci dictus de Riuulo, piscator,  ts. Dominicus Fernandi dictus Porrinus, ts. Johannes, morator de Noya, dictus de Ponte Ueteri, ts. Munio Muniz, clericus de Auanqueyro, subdiaconus, conf.  Jo<ha>nnes Froyat, conf.

Ego Didacus Iohannis, notarius concilii Noye juratus, scripsi.