Carta per quam debent comparare monasterium cum IIIIor quintas medietatis unius VIIIe ecclesie de Bugiam.

Era I^a CC^a La IIII^a, die XI kalendas martii. Ego Laurencius Iohannis, presente Dominico, cantore monasterii Sancti Justi, in vice eiusdem monasterii, presente Martino Iohannis, compostellano notario, et Ruderico Petri, clerico, et Pelagio Aluitit de Beua in capella Sancte Marie de Quintana Palacii, conuenio per fidem meam in manu domni persone capellani de Sancto Andrea ut ego et uox mea per omnia bona mea semper defendam monasterium Sancti Iusti cum IIIIor quintis de media unius VIIIe de ecclesia Sancti Johannis de Bugiam quas ego Johanni Todini, abbati, et conuentui predicti monasterii per legitimam cartam uendidi.