Carta de Eldoncia Petri de hereditate de Ceruia.

In Dei nomine, amen. Ego Eldoncia Petri et omnis uox mea vobis Johanne Tudini, abbati Sancti Justi, omnique conuentu facio kartam donacionis in solidis CC roboratam ita quod do vobis tertiam partem integram de quanta hereditate habeo in villa que vocatur villa Ceruia de advio et de ganancia et in totis aliis locis ubi fuerit uox de ipsa villa de Ceruia per suos terminos antiquos de ipsa villa excepta inde vna leyra integra que iam dedi ad meo sobrino Petro Gasco que iacet inter senara et riuulo et est vna sacada que ego tiraui de mato; et est ista hereditas que vobis do sub aula Sancte Eolalie discurrente riuulo Traua et Ambas Mestas subtus monte Culou et <Caballo> Sicco. Habeatis eam pro in secula cuncta. Siquis igitur homo de mea parte uel de extranea contra hanc cartam ad irrumpendum uenerit uel uenero penam supradictam persoluat.

Era M^a CC^a LXX^a II et quotum XV^o kalendas augusti.

Ego iamdicta Eldoncia Petri in hac carta manus meas roboro facta.

Q. p. f.: Johannes Pelagii de Ceruia; Petrus Affonsi; Petrus Albertez; Petro Ordonii de Villar; Johannes Petri de Ceruia; Johannes Petri de Pastoriza; Martinus Fernandi de Besezo; Petro Petri dicto de Madeyro.

Ego Petrus Didaci, notarius concilii Noye jurati, scripsi quomodo inueni notata de manu Didaco Iohannis, qui fuit notarii Noye, uerbum ad uerbum.