Testamentum de Petro Bono, presbitero de Sancto Cosme, de medietate casalis de Peraria.

Era M^a CC^a LX^La VII^a et quotum XVI^o kalendas julii. Ego Petrus Bonus, presbiter Sancti Cosme de Antas, graui infirmitate detentus sed tamen mentis me<e> compos dispono de rebus meis qualiter post mortem meam remaneant ordinate. In primis mando corpus meum sepelire in cimiterio Sancti Justi de Togis Altis, et mando ibi mecum pro anima mea medietatem casalis de Peraria cum hereditate scilicet terciam unius quarte cum quantum in ipsa quinta obtinui cum populacione sua quam tenet Petrus Cocceyro, et medietatem populationis quam tenet Pelagius Rolus cum ipsa hereditate quam ego obtinui de illis qui dicuntur de Rio Bono in Antas, et medietatem trium armentorum quod habeo cum Andrea Iohannis de Almozara, scilicet una uacca tenrraria et unum almalium et vnum anelium. Item mando pro mea luctuosa, et cetera. Et mando quod sint heredes mei Petrus Bonus et Johannes et Tarasia et Maior Iohannis, filiis Maioris Iohannis, et cum eis Dominicus Fernandi de Modonia, soprinus meus, et compleant testamentum meum et diuidant per medium cum ecclesia Sancti Cosme tam panem quam ganatum et porcos et superlectilia et totam aliam peccuniam quam inuenerim in mea domo. Siquis igitur contra hoc uenerit sit maledictus et excomunicatus et cum Datam et Abirom habeat participio et pectet ecclesie catedrali et uoce regie solidos D; testamento isto in suo robore permanente.

Q. p. f.: Johannes Petri de Coynbraos. Domno Pelagio Belo, judici. Pelagius Dominici de Coymbraos.

Ego Johannes Iohannis, publicus notarius iuratus de Celticis, interfui, scripsi et confirmo.