In Dei nomine. Ego Honega Fernandizi una cum filiis meis nominibus Fernando Didaci, Pelaio Didaci, Odrotia Didaci vobis Menendo Vimaraz et uxori vestre Mumahona Alvariz, facimus kartulam venditionis de villa de Matamala de illo casare quem nos coabiates quarta integra, et accepimus de vos pretium uno caballo ruzo in octaginta solidos quod nobis bene complacuit. Damus vobis in ipsa villa vinea, pumares, sautos, terras cultas vel incultas, quantum in ipsa villa ad prestitum hominis est per ubi illam potueritis invenire per suos terminos et locis antiquis. De odie die vel tempore sit ipsa hereditas de iuri nostro abrasa et in vestro iuri sit tradita atque confirmata, abeatis vos et filii vestri et omnis posteritas vestra. Et si aliquis homo contra hanc kartulam ad irrumpendum venerit vel venerimus, tam nos quam de genere nostro vel extraneis, et nos post partem vestram auctorigare non voluerimus, quomodo pariamus nos ipsam hereditatem duplatam vel triplatam, vel quantum a vobis fuerit meliorata, et vobis perpetim abituram.