Testamentum Arie Petri, militis, de hereditate de Veeru.

In era Ia CCa La IIa et quotum Vo kalendas augusti. Ego Arias Petri, miles, graui infirmitate detentus, plenus cum meo sensu, facio ordinationem mearum rerum ut si inde obiero omnia mea ordinata remaneant. In primis mando corpus meum sepeliri in monasterio Sancti Justi unde ad presens religionis habitum deuote suscipio, et mando ibi mecum totam meam hereditatem quantam ego habeo uel habere debeo ex parte matris mee Sancie Petri in villa de Ueeru et medietatem de quanta hereditate ego comparaui in eadem uilla cum uxore mea Eldara Affonsi super quam meam hereditatem abbas et fratres predicti monasterii iam mihi dederant CCXXXIIII solidos sicut in nostris placitis resonat. Mando etiam eidem monasterio mecum CXX solidos quos mihi debet Petrus Besezo; et germanus meus Petrus Petri extrahat illos de eo et det eos monasterio, vnde aliud non faciat. Ad infirmitorium ipsius monasterii, III porcos, et cetera. Item mando vxori mee Urrace Menendiz et filiis meis hereditatem quam habeo ex parte patris mei in Ueeru, qui si sine semine obierint monasterium Sancti Iusti habeat hereditatem et uendendo, donando et suppignorando ipsi monasterio et non alibi, et cetera. In predicta hereditate de Veeru dimitto Martinum Casadinum amum meum eidem monasterio de Sancto Iusto, et cetera. Hec omnia ordinaui per mandatum magistri mei Martini Munionis, presbiteri, presente uxore mea Vrraca Menendiz et fauente et germano meo Petro Petri quem rectorem et dominum huius mee mandationis facio ut eam compleri sine intermissione faciat. Siquis contra hanc meam mandationem ad irrumpendum uenit sit maledictus usque in VIIam generationem et insuper pariat D solidos, et hoc scriptum semper maneat firmum.

Q. p. f.: Martinus Muniz, presbiter, conf. Domnus Stephanus, presbiter de
Roo, conf. Domnus Stephanus Pelagii, presbiter, conf. Petrus Petri, presbiter Sancti
Cosme, conf. Petrus Osso, dyaconus, conf. Gunzaluinus, presbiter Sancti Genesii,
conf. Petrus Petri, milex, conf. Petrus Anaie, miles, ts. Pelagius Martini, milex,
ts. Martinus Arie de Villar, ts. Petrus Canus, presbiter, ts.

Johannes Arie, presbiter, qui notuit et conf.