Carta de Viuiano Muniz et de Michaele Muniz de sua hereditate in Leens.

In Dei nomine. Nos fratres Viuianus Muniz, clericus, et Michael Muniz et omnis uox nostra vobis abbati domno Petro monasterii Sancti Justi de Tribulis Altis et omni conuentui monachorum eiusdem monasterii et uoci uestre facimus textum scripture firmitatis et kartulam uendicionis de tota nostra hereditate quantam nos habemus in villa de Lenes ex parte patris nostri Munionis Albi a Pena Occisinda usque ad terminos de Cuitura et per riuulum Tamaris concurrentem ad ecclesiam Sancti Pelagii de Lenes, quam nostram hereditatem integram quantam ibi habemus de auolencia et de ganancia uobis integro uendimus pro precio quod nobis pro illa dedistis, uidelicet solidos XXXV de bonis angeuinis. Ab hinc tota ipsa nostra hereditas cum tota nostra alia hereditate quanta habemus in Sueuos et in Susa Uilla de Monte et in Reignu per suos terminos et loca antiqua sicut ab antiquo diuisa et determinata est per Pedrouzo Maiore, cum casis et casalibus, cum terris cultis uel incultis, cum montibus, riuulis, pratis et pascuis, cum omnibus generibus arborum et cum quanto aprestitum hominis est de nostro iure et dominio sit abrasa uestroquoque dominio sit tradita atque confirmata, habete illam, possidete, uendite, donate atque ex ea omne uelle uestrum facite per cuncta seculorum secula, amen. Siquis nobis propinqus uel extraneus contra hanc kartula uenddicionis ad irrumpendum uenerit uel uenerimus quantum calumpniauerit in duplo componat et insuper parti uestre solidos LXX^a fortis monete persoluat, et hec kartula semper sit firma.

Facta kartula uendicionis die nonas septembris, era M^a CC^a XX^a.

Nos fratres predicti in hac kartula manus nostras.

Q. p. f.: Petrus Pelaiz dictus Archidiaconus, conf. Johannes Iohannis,  tabernarius, conf. Froyla Auricula, conf. Maria Ranemiriz, mater eorum, conf. Arias Cretu, conf.

Petrus Fernandi scripsit.