Carta de Marina Didaci de hereditate de Trasmonte in Soeuos et in Coytura.

In nomine Domini nostri Ihesu Christi et indiuidue Trinitatis, et cetera. Ego Marina Didaci una cum filiis meis et omni uoci mee vobis domno abbas Petrus et conuentus eiusdem loci Sancti Justi et omni uoci uestre. Placuit mihi per bona pacis et mea est uoluntas ut facerem uobis cartula uendicionis et textum scripture firmitatis de omnia mea hereditate de terra Transmonte que habeo sub monte Pedra Paralade secus fluuio Tamar concurrente ecclesia Sancte Maria de Trasmonte villas prenominatas Suebos et Coitoyra de ipsos terminos de Lenes que desparte de Coytura. Do uobis tota mea hereditate integra quomodo est conclusa intus et foris per suis terminis et locis antiquis per ubi ea potueritis inuenire uel aquirere cum omni bona sua pro precio quod uos dedistis et nos recepimus, id est solidos XII angouinis quod nobis et uobis complacuit, et cetera. Siquis homo de nostra parte uel de extranea contra hoc factum nostrum ad irrumpendum uenerit pariat uobis ipsa hereditate duplata uel triplata et insuper pariat solidos L^a.

Facta carta uendicionis sub era I^a CC^a XX^a et quotum kalendas januarias.

Ego Marina Didaci, et cetera, in hac kartula manus meas.

Q. p. f.: Pelagio Didaci, suum frater, quod est personarii de monasterii, que totum fecit, conf. Petro, ts. Pelagio, ts. Munio, ts. Filiis ecclesie qui uiderunt, conf. Martinus Fernandi, conf. Pelagio, presbiter, conf.

Martinus, presbiter, conf. et notuit.