De Vesares. Carta de Pelagio Cresconii et de uxore sua Maria Didaci et de Veremudo Cresconii de hereditate de Vesares.

In Dei nomine. Ego Pelagius Cresconii et uxor mea Maria Didaci et omnes filii nostri et ego Veremudus Cresconii et omnis vox mea vobis domno Petro, abbati monasterii Sancti Justi, et cunctis fratribus uestris in Domino salutem. Placuit nobis et nostra est uoluntas ut faciamus uobis cartam uendicionis de hereditate nostra propria quam habemus ex patre nostro Cresconio Ueremudi in territorio Pistomarchos in villa Uesares sub aula Sancti Martini sub monte Luania currente fluuio Traua. Vendimus uobis et concedimus de illa hereditate de patre nostro predicto Cresconio quam habuit in iam dicta villa Uesares medietatem integram, ego Pelagius vnam V^am et ego Veremudus meam V^am et medietatem de illa V^a de meo iermano Didaco Cresconii quam ego de illo comparaui; et sic damus uobis medietatem integram de supradicta hereditate cum tota sua directura que ad ipsam hereditatem pertinet intus et foris per suos terminos antiquos per ubicumque eam inuenire potueritis pro qua datis nobis solidos X quod nobis et uobis bene complacuit. Habeatis eam iuri perpetuo et faciatis ex ea quod uobis placuerit. Sed si aliquis ex parte nostra uel de extranea eam uobis calumpniauerit uel calumpniauerimus pariamus uel pariat uobis ipsam hereditatem duplatam et insuper solidos XX; et hac carta in suo robore permanente.

Nos supradicti in hac carta manus nostras.

Facta carta uendicionis era M^a CC^a XIIII^a et quotum IIII^o nonas nouenbris.

Q. p. f.: Petrus, ts. Pelagius, ts. Johannes, ts. Froyla, presbiter, conf. Didacus, presbiter, conf. Petrus Pega, conf.

Munio qui scripsit uersum cum robore pinxit.