De San Martino de Dugio. Confirmatio de Gomariz, de Pineyro, de Carnota, de Rates et de terra de Sancta Maria de Lançada.

CHRISTUS. Per presens scriptum tam presentibus quam futuris notum sit ac manifestum quod ego Ferrandus, Dei gratia rex Castelle et Tolleti, Legione et Gallecie, inueni priuilegia a serenissimo proauo meo imperatore edita et ab illustrissimo patre meo domino rege dompno Alfonso postmodum confirmata quórum tenor talis est:

In Dei nomine, ego Adefonsus, Dei gratia Hyspaniarum imperator, vna cum // coniuge mea imperatrice domna Berengaria facio cartam donationis et confirmationis pro remedio anime mee et parentum meorum vobis domno Petro, abbati monasterii Sancti Justi de Auelanedo, et omnibus monachis tam presentibus ibidem seruientibus quam futuris de duabus ecclesiis, scilicet de Sancto Saluatore et de Sancto Martino cum omnibus illis hereditatibus et adiunctionibus que ad illas ecclesias pertinent uel pertinere debent; sunt autem he ecclesie in territorio de Dugio sub monte Rou. Has ecclesias predictas dono et concedo uobis ipsique monasterio cum omnibus suis directuris que ad ipsas pertinent in toto valle de Dugio que sunt de fisco regio per suos terminos antiquos. In primis, ecclesia Sancti Saluatoris determinatur per aquam que uenit de fonte Fenulerias que uocatur aqua de Senra, de alia parte diuiditur de villa Vigo per aquam que uenit de monte, et de alia parte diuiditur de villa Froyam per suum uallum; et exit ista uilla contra montem inter prefatos terminos per suos agros de <lacuna et super via publica per suos agros de> Rouoredu, et inde ad montem usque ad terminos de Boysan. Termini ecclesie Sancti Martini sunt isti: de una parte de illa aqua de illo riuulo de Tronco sicut uadit et intrat in mare de arena de Lacustaria et finitur intus in mare; de inde de alia parte iterum incipit alius terminus in predicto riuulo de Trunco et uadit per illum parietem antiquum qui exit de ipso riuulo et uadit sursum ad montem diuidendo hereditatem de Sancto Martino et hereditatem de Hiermo; et inde sursum per medium de ipso monte in directo ad alium parietem anticuum qui concludit contra hermo agrum rotundum de Redondelo qui est de villa Burgo integer, et iter per super illum fontem de Redondelo et inde sursum ad aliam petram designatam de Cruce et inde in antea per illas petras quasi erectas et inde in directum ad illam petram longam de super terra crepata, et inde finitur in mare maius. De inde sunt alii termini de alia parte de contra insula de Dugio per illam aquam que discurrit de portelo de mare de Locustaria, et de alia parte in directum ad illam aquam de Currelo sicut discurrit ad mare maius. Extra hos terminos habet ecclesia Sancti Martini alias hereditates de uoce regia sub aula Sancte Marie et in villa de Arenis et sub aula Sancti Vincentii quas omnes predicto concedo monasterio. Constituo etiam et inmobiliter mando ut in predictas ecclesias et in earum hereditates quas ego prefato cenubio firmiter imperpetuum cauto nullus intrare presumat pro furto, pro homicidio, pro rauso, pro fossadaria uel pro aliqua calumpnia nisi solus abbas uel illi qui monasterii procurationem tenuerint. Homines uero uel quicumque predictas ecclesias uel hereditates in habitauerint ab omnia calumpnia et ab omni uoce de terra sint liberi et absoluti, et homines de regalengo qui in predictis locis conmorati fuerint habeat monasterium et posideat et illos et semen illorum imperpetuum.

Item: Qua propter ego Adefonsus, Dei gratia Hyspanie imperator, vna cum coniuge mea imperatrice Berengaria vobis abbati dompno Petro et monachi Sancti Justi tam presentibus quam futuris ibidem Deo seruientibus pro remedio anime mee et parentum meorum, facio cartam donationis de hereditatibus meis, uidelicet: in terra de Castella de Buual villam Gomarit cum ecclesia et directuris suis, in ripa fluminis quod dicitur Aue; in terra de Sancta Maria de Lançada villam Sanim concurrente ad ecclesiam Sancte Eulalie de Denna cum omnibus suis directuris; in eadem autem terra de Sancta Maria, in insula que uocatur de Ogroue, villam Ardenam, similiter cum omnibus directuris suis. Dono etiam uobis in terra de Carnota quantum habeo in villa de Pignario⁸. Similiter quantum habeo in meo regalengo de Ratis quod jacet in terra de Gentinis. Has siquidem omnes predictas hereditates dono atque concedo vobis supranominato abbati et monachis Sancti Justi per omnes suos terminos antiquos et diuisiones, terras scilicet cultas uel colendas, montes, fontes, prata, pascua, cum exitibus et regressibus per ubi illas inuenire potueritis habeatis et possideatis uos et omnes successores uestri imperpetuum.

Et ego prenominatus rex Ferrandus vna cum uxore mea Beatrice regina et cum filiis meis Alfonso, Fraderico, Ferrando, Henrrico et Phillipo, supradicta priuilegia approbo, roboro et confirmo mandans // et firmiter statuens quod perpetuo et inuiolabiliter obseruentur sicut in tempore mortis patris mei melius fuerunt obseruata. Et hec mee confirmationis pagina rata et stabilis omni tempore perseueret. Siquis uero hanc cartam infringere seu in aliquo diminuere presumpserit iram Dei omnipotentis plenarie incurrat et regie parti mille aureos in cauto persoluat et dampnum super hoc illatum prefato monasterio restituat duplicatum.

Facta carta apud Sanctum Jacobum XVIIº die februarii, era Mª CCª LXXª.

Et ego prenominatus rex Ferrandus regnans in Castella et Toleto, Legione et Gallecie, Badallocio et Baetia hanc cartam quam fieri iussi propria manu roboro et confirmo.

Rodericus, toletane sedis, Hyspaniarum primas, confirmat. Infans Dominus Alfonsus, frater domini regis, confirmat. Bernaldus, compostellane sedis archiepiscopus, confirmat. Johannes, oxeniensis electus, domini regis cancellarii,  confirmat. Martinus, burgensis episcopus, conf. Tellius, pallentinus episcopus,  conf. Lupus, segontinus episcopus, confirmat. Bernaldus, segobiensis episcopus,
conf. Johannes, callagurrensis episcopus, confirmat. Dominicus, abulensis episcopus, confirmat. Gunzaluus, conchensis episcopus, confirmat. Ecclesia placentina uagat, conf.

Aluarus Petri, conf. Rodericus Gunçaluez, conf. Garsias Fernandiz, conf.  Guillelmus Gunçalui, conf. Tellius Alfonsi, conf. Didacus Martini, conf. Gunçaluus Guncalui, conf. Affonsus Suariz, confirmat.

Na rota: Garsias Fernandi, maiordomus curie domini regis, confirmat.  Lupus Didaci de Faro, alferez domini regis, confirmat.

Johannes, ouetensis episcopus, conf. Rodericus, legionensis episcopus,  conf. Nunius, astoricensis episcopus, conf. Martinus, zamorensis episcopus, conf.  Martinus, salamantinus episcopus, conf. Michael, lucensis episcopus, conf. Laurencius,  auriensis episcopus, conf. Michael, ciuitatensis episcopus, confirmat.

Rodericus Gomez, conf. Rodericus Fernandiz, conf. Remirus Froyet, conf.  Didacus Froylaz, conf. Rodericus Froylet, conf. Petrus Poncii, conf. Fernandus Iohannis, conf. Pelagius Arie, conf.

Aluarus Ruderici, maior merinus in Castella, confirmat. Sancius Pelagii,  maior merinus in Gallecia, confirmat. Garsias Roderici, maior merinus in Legione,  confirmat.

Martinus iussu predicti cancellarii scripsit.

(F. 21r.- MINIATURA QUE REPRESENTA A AFONSO X, Á SÚA MULLER, DONA VIOLANTE DE ARAGÓN, E Ó SEU FILLO FERNANDO DE LA CERDA).


⁸ Ata aquí cópiase o documento n.º 7; o que continúa non aparece alí.