Sabeam quantos esta carta virem commo nos don frey Iohan, por la gracia de Deus bispo de Lugo, et o cabidoo desse meesmo lugar, tanguda campaa a cabidoo segundo que he custume na eglesia de Lugo, fasemos entre nos tal escambeo firme et valedeyro por senpre: conven a saber que nos o cabidoo sobredito damos por iur de herdade para senpre a vos don frey Iohan, obispo sobredito, et a os outros bispos que veeren despoys de vos na yglesia de Lugo, o nosso agro que he chamado Agro Granno, o qual ora ten de nos Pedro Fernandez do Campo, assy como esta valadado. Outrossy nos o bispo sobredito damos a vos, iadito cabidoo, por escambeo do dito agro que aiades para senpre çinquo terças de çenteo cada anno por dia de Santa Maria d'agosto pel-los nossos casares de Gunteyriz en salvo [de todoo] que y ouver, salvo trigo ou faves ou outra legumea. Et que esto seia çerto et non venna en dulta, nos o bispo et cabidoo sobreditos mandamos [...] a Affonso Perez, notario publico de Lugo, fazer duas cartas tal huna commo a outra, et en cada huna dellas possesse seu signal en testemoyo de verdade.

Que foy feyto esto dentro enno tesouro da eglesia de Sancta Maria de Lugo hu he acustumado desse fazer o cabidoo, era de mill et CCC et XLVIIIº annos et quotum VII dias andados de marzo.

Presentes foron: don Martin Eanes, archidiago de Neyra; don Fernan Eanes, archidiacono de Sarria; don Maestre Affonso, archidiacono de Deçon; don Iohan Eanes, thesoreyro de Lugo; don Bezera (sic), iuyz de Lugo; Rodrigo Alvarez, coygo de Lugo, testemoyas.

[...] et a rogo do bispo et cabidoo sobreditos esta carta escrivi [...].

SIGNO

(O signo correspóndelle ao notario Afonso Pérez).