Christus. In nomine Dei omnipotentis altissimi Patris et Filii eius Ihesu Christi mundique redemptoris et que humani generis pussimi miseratoris et ineffabilis Dei Spiritu Sancti ex ambove invisibili Deo cuncta ante tempora procedentis, qui est Deus unus et non solus permanens sine initio et ullo absque fine inseparabili Deo unus in Trinitate et indivisibiter trius in unitate, sive in amore et veneratione nostri patronis sancti arcangeli Michaelis, sive in dilectione apostolorum omnium nostrumque cunctorum. Ecce nos exiguas et licet inmerito Christi ancillas Eylo et Goysenda, et licet indignas ordine monastico divina annuente providentia abbatissas tibi Domino Deo et redemptori nostro devotione promta et mente devota, peccatorum nostrorum gravedinem considerantes colla et capita coram te et angelis tuis prosternentes humilima cum prece supplices oramus profussissimis dum gemitibus atque suspiriis, ut parcas Domine parcas, vel solita pietate indulgentissime miserearis et ignoscas. Quamuis sumus de nostris meritis diffisas quam propter quod miserationes tue non defecerunt quia sumus de tua pietate confisas. Placuit nobis et sepius nostre extitit devotioni ut faceremus per hanc seriem testamenti sicut et facimus de omne re nostre hereditatis vel facultatis tamque de susceptione parentum vel avorum abemus quam etiam et que nos sub divino auxilio ganare vel proflicare potuimus vel potuerimus in tuo Deus nomine pro animarum nostrarum remedio Manillani abbati et congregationi monasterii Sancti Salvatoris Cellenove contestamus et in parte alia nisi dimittimus. Id sunt villas prenominatas in ripa Minei subtus monte Regie inter Laias et Varenia, villa quam dicunt Sandini, tam illa ratione que nobis ibi concessit tia nostra domna Adosinda pro anima de suo nepto Ordonio Godesteoz, quam etiam et cuncta que nos ibi comparavimus vel adplicare potuimus. Et prope ipsa villa de Sandini alia quam vocitant Trasariz, ex alia parte villa de Grovas. In Dezone alias villas, id sunt villa que vocitant Sala, villa Amenetello, et de alia parte villa Pinniario cum voce signo mettalorum eclesia vocabulo Sancti Iacobi media per suos terminos antiquos, sicut tam nostri parentes vel avii obtinuerunt et nos post eos. Item alia villa quam dicunt Lairatos, quomodo nos eam obtinuimus. Alia villa quam dicunt Valenti sicut nos eam possedimus per suos antiquos terminos. Omnes has villas cum suis cunctis domibus, utensibilis vel torcularibus, cum omnibus a prestationibus suis vel piscarias, et porto in Mineo qui pertinet ad villam de Sandini, ubi eclesia Sancti Michaelis fundata esse, et stabilita dig//noscitur, et quacumque re vel spetie mobile vel inmobile in supradictas villas inventa fuerint omnia post partem ipsius monasterii Cellenove per hoc testamentum firmiter ad per abendum concedimus, sub ea tamen taxata ratione ut dum hac vita vixerimus licitum abeamus adprehendere inde quicquid nobis necessarium fuerit. Post obitum vero nostro sint cuncta in nostra memoria et per singulos annos sacerdotibus, confessoribus et pauperibus nostras exequias et omnia rescula maiora vel minora ibi cuncta concedimus deo et tibi iam dicto Manillani abbati, et congregationi Cellenove condonando testamus, ut quicquid ex inde agere facere vel iudicare volueris liberam a Deo et a nobis adtributa tibi maneat potestas. Ut abeant inde servi Dei cui tu eam relinquere volueris temporale subsidium, et nos aput Deum sanctis cum electis sortem et premium infinitum. Si quis tamen, quod fieri minime credimus, aliquis homo de propinquis vel heredibus nostris aut extraneis aut quacumque inferior vel superior persona aut superlu potestas contra hoc factum nostrum ad irrumpendum venerit vel venire temptaverit, in primis a cuncta catholica eclesia maneat excommunicatus, et cum Iuda Domini taditore in eterna damnatione cruciatus lugeat eternos, et constrictus avidice quod infringere vel irrumpere temptaverit in duplo quoguatur pariet. Et hoc nostrum factum in cunctis plenissimum obtineat firmamentum.

Factum et confirmatum series testamenti VII kalendas Marcii. Era discurrente post Millia XXX I.

Ego Goysenda abbatissa cum sorore mea Eylone abbatissa deliberata collatione et precepto consilio bona voluntate et tota simul in Deo devotione definivimus et elegimus quia nunc per ante me et ab hac luce recessit animam et in vicem quomodo mihi commendavit manus proprias roborem inicemus (signum).

Sub Christi nomine Viliulfus Tudensis episcopus cfr.- Sub Christi nomine Pelagius episcopus cfr.- Sub Christi nomine Petrus yriense episcopus cfr.- Sub Christi nomine Pelagius Lucense sedis episcopus cfr.

Lubilani presbiter et confesus cfr. Gutinus confesus cfr. Vitiza confesus cfr. Ermegildus prepositus ts. Iusto presbiter ts. Nausti presbiter ts. Iohannes ts. Ordonius ts, vel omnis congregatio monasterii Cellenove cfr.

Gundulfus confesus qui tunc prepositus eram in monasterio Francellos (signum), vel omnis congregatio monasterii ipsius cfr. Vilifonsus qui tunc prepositus eram in monasterio Castrellus, et omnis congregatio ipsius cfr.

Didacus abbas quod scripsit confirmat (signum).

—

¹ Este documento foi copiado, con lixeiras variantes, nos folios 77v.-78r., doc. 216.