1175/05/11.
Munio Sarracéniz e a súa muller, Sancha Pérez, cos seus
fillos cambian a metade e mais unha cuarta parte dunha sexta da vila de
Vilachán, na freguesía de S. Vicente de Augas Santas, co mosteiro de
Toxos Outos pola parte que este ten na torre da vila de Xallas, no casal
de Xoán, en Sta. María de Urdilde.
Carta de Munio Sarraceni et uxoris sue Sancie Petri de medietate integra tocius ville de Villa Plana.
In Dei nomine. Ego Munio Sarraceni et uxor mea Sancia Petri et omnes filii nostri et omnis uox nostra vobis domno abbati Petro monasterii Sancti Justi et ceteris fratribus uestris in Domino eternam salutem. Placuit nobis et nostra est uoluntas ut faciamus uobis sicut et facimus vobis cartam de concambiacione de hereditate nostra propria quam habemus in territorio Luania sub aula Sancti Uincencii de Aquis Sanctis sub monte Meda concurrente riuulo Traua in villa nuncupata Villa Plana de Insula. De ipsa villa damus uobis medietatem integram et de IIIIa VIam que fuit de patre meo Sarracenus Muniz et de auio meo Munione Fratreici quantum ibi habemus de auolencia et de ganancia sicut in suis kartulis resonat per suos terminos antiquos cum quanto aprestitum hominis est cum cunctis suis directuris et exitibus que ad ipsam villam pertinent pro illa uestra hereditate quam nobis datis pro ista nostra hereditate in concambiacione in villa Iales de illa turre que fuit de patre meo Sarraceno Muniz et de germano meo Aria Sarraceni sicut est populata que dicitur Casale de Iohanne cum totis suis directuris et exitibus per suos terminos antiquos sub aula Sancte Marie de Orgilde. Nos igitur supradicti Munio et uxor mea Sancia illam nostram hereditatem supradictam de Villa Plana concedimus uobis jure perpetuo et faciatis ex ea quod uolueritis, et uos et ceteri futuri ex hodie et deinceps. Siquis tamen, quod fieri minimine credimus, aliquis homo de nostra parte uel de extranea illam uobis hereditatem quam uobis damus calupniauerit pariat uobis ipsam hereditatem duplatam et insuper solidos Dos uel nos si eam calumpniauerimus, et uos semper ipsam hereditatem possideatis.
Facta carta concambiationis in era Ia CCa XIII et quotum Vo idus madii.
Ego Munio Sarraceni et uxor mea Sancia in hac carta manus nostras.
Q. p. f.: Petrus, ts. Pelagius, ts. Johannes, ts. Pelagius Sarraceni, conf. Fernandus Sancii, conf. Ordonius, presbiter, conf. Pelagius, clericus, conf. Munio, presbiter, quod notuit et conf.
Ego Munio Sarraceni roboro.
